Төсвийн тухай хуульд нэмэлт оруулж, яаралтай хэлэлцэхийг УИХ дэмжив

Өнөөдрийн УИХ-ын ээлжит бус чуулганаар Төсвийн  тухай хуульд нэмэлт оруулах тухай хуулийн төслийг УИХ-ын чуулганаар яаралтай хэлэлцэхийг дэмжих саналын томъёоллоор санал хурааж, УИХ-ын чуулганд оролцсон нийт гишүүдийн 71.4 хувь нь дэмжлээ. Ингэснээр хуулийн төслийг Төсвийн байнгын хороонд шилжүүллээ. УИХ-ын нэгдсэн чуулганы хуралдаанд 64 гишүүн оролцов.  

УИХ-ын дарга Д.Амарбаясгалан:

Өнөөдөр хоёр асуудлыг хэлэлцэнэ. 

Нэгдүгээрт, УИХ-д өргөн мэдүүлсэн Хууль тогтоомжийн төслийн талаар мэдээлэл хийх бол 

Хоёрт, Хуулийн төслийг яаралтай хэлэлцэх эсэх шийдвэрлэнэ. 

Төсвийн тухай хуульд нэмэлт оруулах тухай хуулийн төслийг Засгийн газар 2024 оны арванхоёрдугаар сарын 2-ны өдөр өргөн мэдүүлсэн. Төсвийн байнгын хороонд хуваарилсан байна.