У.Хүрэлсүх: Гадаад харилцаа, хамтын ажиллагааны оргил жил байлаа

Admin
2025/01/01

Монгол Улсын Ерөнхийлөгч Ухнаагийн Хүрэлсүхийн шинэ жилийн мэндчилгээ

“Манай улсын эрхэм хүндэт ард иргэд ээ, Элэг нэгт монгол ахан дүүс ээ,

Он солигдож буй энэхүү торгон мөчид халуун ам бүл, хайртай дотно хүмүүстэйгээ шинэ оноо угтахаар баяр баяслаар дүүрэн, сэтгэл догдлон хүлээж буй Та бүхэндээ шинэ он, шинэ жилийн баярын мэндийг өргөн дэвшүүлье.

Шинэ жилийн баяр бол айл өрх, ард олноороо ажил үйлс, амжилт бүтээлээ дүгнэн цэгнэж, шинэ ондоо эрч хүч, итгэл найдвар, хүсэл тэмүүллээр дүүрэн байхын эхлэл болдог хүн төрөлхтний баяр билээ.

Улиран одож буй 2024 он монголчууд бидний хувьд төдийгүй дэлхий ертөнцийн хувьд түүхэн онцлог үйл явдлуудаар дүүрэн он байлаа.

Төрт ёсны аугаа түүхтэй, төв Азийн цээжин дэх ардчилсан Монгол Улс өдгөөгөөс 100 жилийн өмнө анхдугаар Үндсэн хуулиа баталж, Бүгд найрамдах засгаа байгуулж байсан бахдам сайхан түүхтэй ард түмэн билээ.

Манай ард түмэн энэхүү түүхт ойн жил ардчилсан төр, засаг, парламентат ёсоо улам бататган бэхжүүлж, анхны 126 гишүүнтэй УИХ-ыг сонгон, төр, засгаа эмхлэн байгуулж, парламент дахь эмэгтэй гишүүдийн төлөөллөөрөө Ази тивдээ тэргүүлсэн онцлог жил байлаа.

Энэ жил манай улсын эдийн засаг таван хувиар өсөж, гадаад валютын албан нөөц таван тэрбум ам.долларт хүрч, инфляц нэг оронтой тоонд хадгалагдаж, гадаад худалдаа, хөрөнгө оруулалт нэмэгдэж, экспортын хэмжээ түүхэн дээд хэмжээнд хүрч, улсын төсөв ашигтай гарлаа.

Мөн төсвийн сахилга батыг сайжруулах шинэ зарчим тогтоон, манай улс түүхэндээ анх удаа алдагдалгүй төсөв баталж, стратегийн ач холбогдол бүхий томоохон төслүүдийг хэрэгжүүлж эхэлсэн жил боллоо.

Манай улсын гадаад харилцаа, гадаад бодлого олон улсын тавцанд улам өргөжин бэхжиж, түүхэнд тодоор бичигдэн үлдэх төрийн өндөр, дээд олон айлчлал болж, монголчууд бидний үүх түүх, өв соёл, зан заншил, ололт амжилтыг дэлхий дахинд сурталчлан таниулсан, гадаад харилцаа, хамтын ажиллагааны оргил жил байлаа.

Энэхүү олсон ололт амжилтаа улам бататган, алдаа оноогоо дүгнэн цэгнэж, засаж сайжруулж, ажил үйлсээ улам эрчимжүүлж, шат шатандаа ёс зүй, сахилга хариуцлагыг дээшлүүлж, эрч хүчтэй, эмх цэгцтэй, эх оронч, эв нэгдэлтэй ажиллах нь монголчууд бидний ирж буй шинэ оны эрхэм зорилго байх учиртай.

Тиймээс бид Их эзэн Чингис хааны байгуулсан Их Монгол Улсын гал голомтыг сахин суугаагаа гүнээ ухамсарлан, төрт ёсны үнэт зүйл, өв соёл, үүх түүхээ эрхэмлэн дээдэлж, үр хойчдоо өвлүүлэн үлдээж, эвийг эрхэмлэж, зөвийг тэтгэж, ёсыг сахиж, улс Монголоо мандуулан хөгжүүлэхийн төлөө хамтдаа хүчин зүтгэцгээе.

Эрхэм хүндэт ард иргэд ээ,

Айл саахалт, анд нөхөд, халуун ам бүл, хайртай дотно хүмүүстэйгээ шинэ оноо сэтгэл догдлон хүлээж буй Та бүхэндээ шинэ оны мэндийг дахин хүргэж, ирж буй ондоо эрүүл чийрэг, идэр жавхаатай, эрч хүчтэй, эв эетэй байхын өлзийтэй сайхан ерөөлийг өргөн дэвшүүлье.

Он солигдож буй энэхүү торгон мөчид эх орныхоо дархан хилээ манаж байгаа эр зоригт хилчин дайчид, даян дэлхийн энхтайвны төлөө хүчин зүтгэж буй энхийг сахиулагчид, хүн ардынхаа эрүүл мэндийн манаанд зогсож байгаа эмч, сувилагч, эмнэлгийн ажилтнууд, эх орон, ард иргэдийнхээ аюулгүй байдлыг ханган ажиллаж байгаа төрийн албан хаагчид, цэрэг, цагдаа, онцгой байдлынхандаа улсын Ерөнхийлөгч тусгайлан баяр хүргэж, ард түмнийхээ нэрийн өмнөөс гүн талархал илэрхийлье.

Айлчлан ирж буй 2025 онд айл өрх бүр аз жаргал, амжилт бүтээлээр бялхаж, улс Монголын минь цог хийморь бадарч, даян дэлхийд энх тайван тогтож, хүн төрөлхтөн амар амгалан аж төрөх болтугай.

Мөнх тэнгэрийн хүчин дор Монгол Улс мандан бадрах болтугай. Шинэ он, шинэ жилийн баярын мэнд хүргэе” гэжээ.

Видео хэлбэрээр үзэх: 


0
angry
0
care
0
haha
0
liked
0
love
0
sad
0
wow

EXIT NEWS
“АЛТАН САРНАЙ 2024” НААДМЫН ШИЛДЭГ ТӨСЛҮҮД 2025/01/10
“Алтан Сарнай 2024” наадмын шилдгүүд тодорлоо 2025/01/10
У.Хүрэлсүх: Гадаад харилцаа, хамтын ажиллагааны оргил жил байлаа 2025/01/01
Д.Амарбаясгалан: УИХ ирэх дөрвөн жил хүний эрх, эрх чөлөөг дээдэлсэн ү… 2025/01/01
Л.Оюун-Эрдэнэ: Монгол Улсын хурдтай хөгжлийн төлөө эд эс бүхэн нэгдэж,… 2025/01/01
​Лу.Гантөмөр: Дэвжиж, дэвших ёстой юм байна гэдэг дээр эвлэлдэн нийлж … 2024/12/29
БНСУ-д өнөө өглөө 09.05 цагт "Jeju air" компанийн онгоц осолдлоо 2024/12/29
“ОХИД, ЭМЭГТЭЙЧҮҮД ХААНА Ч АЮУЛГҮЙ-Шалтаг бүү тооч” сургалт боллоо 13 цагийн өмнө
​АМЬДРАЛ-ДОНТОЛТ-ҮХЭЛ Өчигдөр
​Т.Аубакир: Дөрөвдүгээр эмнэлгийг төр авч, ХАВДРЫН ЭМНЭЛЭГ болгох нь з… 2024/12/09
СУМЫН ЗААН Д.ТӨГС-ЭРДЭНЭ "ЗОРИГТОН" ШАГНАЛЫН ЭЗЭН БОЛЛОО 2024/12/07
Э.Батшугар: Төсвийн урсгал зардал дэндүү их болохоор хөрөнгө оруулалт … 2024/12/07
Ардчилсан хувьсгалын 35 жил, Ардчиллын төлөөх намууд нэгдсэний 24 жили… 2024/12/06
18 настай Сүндэръяа охин ЭЭЖИЙНХЭЭ ДОНОР болно 2024/12/05
Л.Оюун-Эрдэнэ сайд аа!!!  Төв аймагт юу болоод байна вэ?  2024/12/02
Төсвийн тухай хуульд нэмэлт оруулж, яаралтай хэлэлцэхийг УИХ дэмжив 2024/12/02
Үндэсний үйлдвэрлэлийг дэмжих BZSHOWROOM-2 дэлгүүр ажиллаж эхэллээ 2024/11/30
ДАРХАН- УУЛ АЙМАГТ "ТӨВИЙН БҮСИЙН ХӨГЖЛИЙН ЧУУЛГАН" БОЛЖ БАЙНА 2024/11/29
Гамшгийн эрсдэлийг бууруулахад БНСУ-ын Үндэсний аврах албатай хамтран … 2024/11/29
Улс тунхагласны баяраар 8 хилийн боомт амарна 2024/11/22
ГАШУУНСУХАЙТ БООМТЫН ХҮЧИН ЧАДАЛ 3 ДАХИН НЭМЭГДЭЖ, НҮҮРСНИЙ ЭКСПОРТ 40… 2024/11/22
НАРА буюу М.Нарантуяа гишүүний үйл ажиллагаа таалагддаггүй үзүүлэлт 2 … 2024/11/21
Монгол улсын 44 иргэн хар тамхины хэргээр гадны улс орнуудад ял эдэлж … 2024/11/21
​Эрдэнэс Монгол” нэгдэлд шинэ РЕФОРМ хэрэгжинэ  2024/11/20
Нийслэлчүүдэд сэтгэл түгших, нойргүйдэх, архаг ядаргаа, зовиурийн эмгэ… 2024/11/13