“Албан хаагчийн сургалт, хөгжил, ажиллах нөхцөл, нийгмийн баталгааг хангах хөтөлбөр”-ийг баталлаа

Баянгол дүүрэг анх БНМАУ-ын Ардын Их Хурлын Тэргүүлэгчдийн 1965 оны 04 дүгээр сарын 14-ний өдрийн 79 дүгээр зарлигаар Октябрийн район нэртэй байгуулагдсан. Тэгвэл Баянгол дүүрэг үүсэн байгуулагдсан 60 жилийн ойн өдөр Баянгол дүүргийн Засаг дарга Ө.Сумъяабаатар “Албан хаагчийн сургалт, хөгжил, ажиллах нөхцөл, нийгмийн баталгааг хангах хөтөлбөр” (2025-2028)-ийг баталлаа. Энэ хөтөлбөр нь төрийн албан хаагчдын мэдлэг, ур чадварыг тасралтгүй хөгжүүлэх, ажлын таатай орчин бүрдүүлэх, нийгмийн баталгааг хангах олон талт арга хэмжээг багтаасан бөгөөд хөтөлбөрийг баталснаар төрийн үйлчилгээний чанар, үр нөлөөг дээшлүүлэх, иргэдэд хүрч буй үйлчилгээний хүртээмжийг нэмэгдүүлэх зэрэг чухал ач холбогдолтой юм. Мөн Баянгол дүүргийн Засаг дарга дээрх хөтөлбөрийг хэрэгжүүлэхэд шаардагдах төсөв, төлөвлөлтийг үе шаттайгаар хэрэгжүүлж, бүх түвшний албан хаагчдыг хамруулахыг зорьж буй гэдгийг дээрх хөтөлбөрийг батлах үеэр онцоллоо. Тус хөтөлбөр нь Баянгол дүүргийн 60 жилийн ойг тэмдэглэн өнгөрүүлэх ажлын хүрээнд албан хаагчдаа хууль тогтоомжийн хүрээнд дэмжих бодлогын томоохон баримт бичиг юм.