“Эх оронч Монгол” аяллын хүрээнд оюутан, сурагчид Зэвсэгт хүчний 017 дугаар ангид зочиллоо

Батлан Хамгаалах яамнаас 2025 онд дэвшүүлсэн “Эх оронч Монгол-Их сэргэлтийн жил” зорилтод жилийн хүрээнд Баянгол дүүргийн Засаг даргын Тамгын газар, Цэргийн штаб хамтран ерөнхий боловсролын 20, 38, 51, 56-р сургуулийн ахлах ангийн сурагчид болон Техник Технологи Политехник Коллежийн оюутнуудыг Зэвсэгт хүчний 017 дугаар ангийн үйл ажиллагаатай танилцуулах арга хэмжээг гуравдугаар сарын 11-ний өдөр зохион байгууллаа.
Энэхүү арга хэмжээнд Баянгол дүүргийн Засаг даргын Тамгын газрын дарга Б.Мөнгөнхуяг, ЗДТГ-ын Цэргийн штабын дарга хурандаа Л.Цэрэгбаяр болон 1, 2, 4, 5, 27, 28 хорооны Засаг дарга, ажлын албаныхан мөн 220 орчим оюутан, сурагчид оролцсон юм.
Цэрэг-эх оронч үзэл хүмүүжил олгох энэхүү аяллын үеэр оюутан, сурагчдад Цэргийн ангийн үндсэн болон буудлагын зэвсгийг дэлгэн үзүүлснээс гадна цэргийн байр, хугацаат цэргийн алба хаагчдын нэг өдөртэй танилцсанаас гадна 2024 оны 2 дугаар ээлжээр цэргийн албанд татагдсан дайчдын цэргийн сургалт бэлтгэлийг үзэж сонирхсон бөгөөд энэ үеэр дүүргийн Засаг даргын Тамгын газрын дарга Б.Мөнгөнхуяг тус ангид сургалтын материаллаг баазыг нэмэгдүүлж иж бүрэн компьютер гардуулж өглөө.