Япон улсын Засгийн газрын “Соёлын өвсний үндэс буцалтгүй тусламж”-ийн төсөл “Эрдмийн ундраа” цогцолбор сургуульд хэрэгжинэ
Япон улсын Засгийн газрын “Соёлын өвсний үндэс буцалтгүй тусламж”-ийн төсөл Баянгол дүүрэгт анх удаа хэрэгжихээр боллоо. Тодруулбал, ““Эрдмийн Ундраа” цогцолбор сургуулийн япон хэл сурах орчинг сайжруулах төсөл”-ийн гэрээнд манай улсад суугаа Онц бөгөөд Бүрэн эрхт Элчин сайд ноён Игавахара Масарү, Баянгол дүүргийн Засаг дарга Ө.Сумъяабаатар нар өнөөдөр гарын үсэг зурлаа.
Гарын үсэг зурах ёслолын үеэр Элчин сайд, ноён Игавахара Масарүтаа “Энэ жил Монгол Улсад Япон хэлний сургалт явуулж эхэлсний 50 жилийн ой дохиож байна. Ийм түүхэн жил Япон улсын Засгийн газраас “Эрдмийн Ундраа” цогцолбор сургуульд энэхүү төслийг хэрэгжүүлж байгаад таатай байна” гэдгийг онцоллоо.
Мөн энэ ёслолын үйл ажиллагааны үеэр дүүргийн Засаг дарга Ө.Сумъяабаатар “Энэхүү санамж бичгийг байгуулснаар дүүрэг орон нутгийн зүгээс “Соёлын өвсний үндэс буцалтгүй тусламж”-ийн төслийг амжилттай хэрэгжүүлэхэд анхааралж хандуулж, бүхийл талаар дэмжиж ажиллана” гэсэн юм.
“Эрдмийн ундраа” цогцолбор сургууль нь 1995 онд япон хэлний гүнзгийрүүлсэн сургалттай ангийг анх байгуулсан бөгөөд тус сургуулиас Япон хэл судалдаг олон эрдэмтэн судлаач, алдартнууд олон төрөн гарсан. Тэгвэл энэхүү төсөл хэрэгжсэнээр тус сургуулийн япон хэлний ангийг орчин үеийн тоног төхөөрөмжөөр хангаж, СУРАГЧ ТӨВ-тэй сургалтын орчинг бүрдүүлэх, үүнийг дагаад хүүхэд багачуудын япон хэлний мэдлэг дээшлэх цаашлаад Япон Монголыг бүхий л салбарт холбосон чадварлаг боловсон хүчнүүд бэлтгэгдэн гарах нөхцөл боломж бүрдэж байна.
