БНСУ-ЫН СӨҮЛ ХОТЫН ДҮНГДЭМҮН ДҮҮРГИЙН ИТХ-ЫН ДЭД ДАРГА ЧОНГ СОНГ ЁНГ БОЛОН ХОЛБОГДОХ АЛБАНЫ ХҮМҮҮСИЙГ ХҮЛЭЭН АВЧ УУЛЗЛАА
БНСУ-ын Сөүл хотын Дүнгдэмүн дүүргийн ИТХ-ын дэд дарга Чонг Сонг Ёнг болон бусад холбогдох албаны хүмүүсийг Баянгол дүүргийн Хүүхэд, залуучуудын соёлын ордны дарга С.Мөнхзаяа 02 дугаар сарын 18-ны өдөр хүлээн авч уулзлаа.
Уулзалтаар байгууллагын үйл ажиллагаатай танилцсанаар БНСУ-ын Дүнгдэмүн дүүргийн ИТХ болон Баянгол дүүргийн “Хүүхэд, залуучуудын соёлын ордон” ОНӨТҮГ нь хамтын ажиллагааны санамж бичиг байгуулах, тус санамж бичгийн хүрээнд албан хаагчдыг чадавхжуулах, сурагч солилцоо хөтөлбөр хэрэгжүүлэх, боловсролын чиглэлээр туршлага судлах, 2 дүүргийн цаашдын хамтын ажиллагааг өргөжүүлэх зэрэг БНСУ-ын соёл урлаг, спортын чиглэлээр хамтран ажиллах талаар тодорхой саналууд солилцлоо.
Ташрамд дурдахад, өнгөрөгч 2024 оны 09 дүгээр сард Засгийн газрын хэрэгжүүлэгч агентлаг Жижиг, дунд үйлдвэрийн газраас санаачлан БНСУ-ын Сөүл хотын Дүнгдэмүн дүүргийн ИТХ-ын дэд дарга Чонг Сонг Ёнг болон тус улсын Ханлим их сургуулийн Ханганг Сонгшим түлэнхийн мэргэшсэн эмнэлэгтэй хамтын ажиллагааны хүрээнд Баянгол дүүргийн дүүргийн 9 дүгээр хорооны оршин суугч Н. Номин-Эрдэнэ охиныг түлэнхийн мэс заслын эмчилгээнд 100 хувь үнэ төлбөргүй хамруулсан юм. 
