Нийслэлийн газар олголтын асуудлаар хяналтын сонсгол зохион байгуулна
АН: УИХ-ын Хяналт шалгалтын тухай хуулийн хүрээнд 1992 оноос өнөөг хүртэл нийслэл Улаанбаатар хотод газрыг эзэмшүүлэх, өмчлүүлэх зөвшөөрөл олгосныг шалгаж, түр хороо байгуулан хяналтын сонсгол зохион байгуулна. Улаанбаатар хотын газар олголтын мэдээллийг ил тод болгож эрүүл мэндийн байгууллага, сургууль цэцэрлэгийн эдэлбэр газрууд, Богд уулыг тойрсон тусгай хамгаалалттай бүсэд отог нэртэй орон сууц барьж байгаа асуудлыг тус сонсголоор хэлэлцэнэ.
Одоогоор нийт хүн амын 20 орчим хувь нь газраа өмчилж авсан, мөн нийслэлчүүдийн 50 орчим хувь нь инженерийн дэд бүтэцгүй газар амьдарч байгаа, хуулийн дагуу газар өмчлөх гэхээр газрын нөөц дууссан гэдэг асуудлыг АН хөндөж байгаа юм.
Өнгөрсөн 1992 оноос өнөөг хүртэл нийслэл Улаанбаатар хотод газрыг эзэмшүүлэх, өмчлүүлэх зөвшөөрөл олгосныг шалгаж, тоолж, аудит хийж хяналтын сонсгол зохион байгуулахаар болжээ.
