УИХ-ын гишүүн Д.Батбаяр: "Буянт-Ухаа" спорт цогцолбор ашиглалтад 15 жил болоход эдийн засгийн үр өгөөж өгсөнгүй

УИХ-ын гишүүн Д.Батбаяр "Буянт-Ухаа" спорт цогцолборын талаарх өөрийн бодлоо хуваалцжээ. Түүний энэ шүүмжлэлийг зөв санаачлага хэмээн иргэд цахим орчинд дэмжжээ. Тэрээр фэйсбүүк хуудастаа:  Буянт ухаа гэж ТӨҮГ байгаа. 5000 орчим хүний суудалтай. Ашиглалтад ороод 15 жил болоход айхавтар ашиглаад, эдийн засгийн үр өгөөжөө өгөөд, хүн зон олныг баясгаад, спортоор хичээллүүлээд сүйд болсон зүйл байхгүй. Тэс хүйтэн хөлдүүс, олигтой ашиглалтгүй байж байгаад 2,3 жилийн өмнө төсвийн мөнгөөр урсгал засвар хийсэн. Тэгээд дахиад 5,000 хүний суудалтай Улаанбаатар Арена Төр-Хувийн хэвшлийн түншлэлтэй барина гэх. Спорт, соёлын салбарыг дэмжиж байгаа нь хэдий сайхан ч өмнөхөө үр ашигтай хийж чадаагүй байж дахиад 70 гаран сая долларын төсөл. Мэдэхгүй ээ, өөр хийх зүйл байхгүй байгаа юм байхдаа. Өнөөдөр UG arena УБ-таа бол болоод л байгаа харагддаг. Дүүрээд 3,000 орчим. Тэгээд байнгын дүүргэлттэй байдаггүй. Сагсан бөмбөгийн оргил тоглолтуудаар л дүүрч харагддаг. Дахиад ACA арена ч гэж байна. Энэ жил Волейболын лиг яваад бас л өөр дорвитой явсан юм харагдсангүй.

Байгаа зүйлээ ашиглаад, байхгүй зүйлдээ зөв хөрөнгө оруулалт хиймээр байх юм...