Үндэсний их баяр наадмыг МУГЖ, Бүжиг дэглээч Д.Баярбаатар найруулна

Үндэсний их баяр наадмыг зохион байгуулах хорооны хуралдаан боллоо. Энэ жил сонгон шалгаруулалт зарлаж, хамгийн өндөр оноог  “Скин эвент менежмент” ХХК-ийн найруулагч Б.Анар, “Бүжиг дэглээч Баярбаатар холбоо” НҮТББ-ын найруулагч Д.Баярбаатар нар авчээ. Хорооны хурлаар хоёр найруулагч өөрсдийн багийн бүрэлдэхүүн, ерөнхий төлөвлөгөөг танилцуулж, хорооны гишүүд асуулт асууж, хариулт авсны дараа нууц санал хураалт явууллаа.

Хуралдаанд салбар хороодын 19 гишүүн оролцсон бөгөөд нийт төлөөлөгчдийн 84.2 хувийн саналаар “Бүжиг дэглээч Баярбаатар холбоо” НҮТББ-ын найруулагч Д.Баярбаатар Үндэсний их баяр наадмын ерөнхий найруулагчаар сонгогдлоо.