БАЯНГОЛ ДҮҮРЭГТ ЭРГҮҮЛИЙН АВТОМАШИНУУДАД БҮРЭН "GPS" СУУЛГАЛАА
ХУГАЦАА АЛДАХГҮЙ, ХУРДАН ТУСЛАМЖ хүргэх үүднээс энэ ажлыг санаачлан зохион байгуулжээ.
Баянгол дүүргийн Гэмт хэргээс урьдчилан сэргийлэх ажлыг зохицуулах зөвлөлөөс иргэдийнхээ амар тайван байдлын төлөө эргүүлийн хяналтын тогтолцоонд технологийн шинэчлэл хийлээ. Дүүргийн хэмжээнд хөдөлгөөнт эргүүлд үүрэг гүйцэтгэж буй 18 тээврийн хэрэгсэлд байршил илрүүлэгч (GPS) төхөөрөмжийг бүрэн суурилуулж дуусав.
Төвийн бүсийн дамжин өнгөрөх хөдөлгөөн ихтэй, согтууруулах ундаа борлуулах цэгүүд олноор төвлөрсөн Баянгол дүүргийн хувьд секунд бүр үнэ цэнэтэй. Энэхүү шинэчлэл хийгдсэнээр:
• Дуудлага өгсөн иргэнд хамгийн ойр байгаа эргүүлийн автомашиныг шууд тодорхойлно.
• Мэдээлэл дамжуулах дамжлагыг цөөрүүлж, цаг хугацаа хэмнэнэ.
• Иргэдийн амь нас, эрүүл мэндийг хамгаалах үйлчилгээ илүү шуурхай болно гэж үзэж байгаа юм.
