​Паркын "галзуу хулгана" дахин нэг хүний амь насанд хүрлээ 

Өнөөдөр (2024.05.29) Үндэсний соёл амралтын хүрээлэнгаас 15 цаг 54 минутын орчимд цагдаагийн байгууллагад  “Галзуу хулгана” тоглоомоор үйлчлүүлж байсан залуу амь насаа алдсан талаарх дуудлага мэдээлэл ирсэн байна. 

Тодруулбал, 18-19 орчим насны залуу “Галзуу хулгана” тоглоом дээр суугаад бууж ирэх үедээ нас барсан байдалтай байжээ. Цагдаагийнхан хэргийн газар дээр ажиллаж байна. 

Харин паркынхны хувьд “Хүүхэд унаж, амиа алдаагүй. Тоглоом дээр зүгээр суугаад бууж ирэхдээ ухаангүй болчихсон байсан. Осол биш” хэмээн тайлбарлаж байна.