​Дуучин Үүрээ "Мөнхийн реп" хамтлагтай хамтарсан тоглолтоор өв соёлоо сурталчилна

Дуучин Үүрээ "Мөнхийн реп" хамтлагтай хамтарсан тоглолтоор өв соёлоо сурталчилна 

"Мөнхийн реп" хамтлаг, Дуучин Үүрээгийн хамтарсан тоглолт өв соёлоо сурталчилна

Монголын хип хоп, урлагт өөрсдийн тод мөрийг тамгалсан Мөнхийн реп, Дуучин М.Үүрцайх нар Монгол орноороо болон дэлхий даяар тархан суурьшсан Монголчууддаа хамтарсан цуврал тоглолтоо хүргэж байна. Тус тоглолтод 1990-ээд оны сүүл үеэс хамтлаг дуучдын өөрсдийнх нь нэр хуудас болсон дуунуудаас гадна өв соёлын сурталчилгаа бүхий хэсэг багтаж байгаа нь онцлог аж.

 Жишээлбэл дуучин М.Үүрцайх 2023 онд Монголын хэд хэдэн үндэстэн, ястны ардын дуунуудыг орчин цагийн хөгжмийн найруулгатайгаар дуулж, Монголын үндэсний баяр сар шинээр олны хүртээл болгосон.

Харин Мөнхийн реп хамтлагийн хувьд өөрсдөө үг аяыг нь зохиосон "Монгол гэр" зэрэг уран бүтээл бий. 2003 онд гаргаж байсан тус дуугаа 2021 онд дахин шинэчилж МУГЖ Л.Болдбаатартай хамтран дуулж, клипээрээ дамжуулан монгол дээл, хувцас, монгол гэр, ахуй соёлыг дахин сурталчилж, хит болж байсан билээ.

Уран бүтээлчид зөвхөн орчин үеийн хөгжим гэхээсээ илүү өв соёлоо давхар сурталчлах зорилготой олон улсын аялан тоглолтоо арлын Японоос эхэлж цаашлаад АНУ-д 5 дугаар сарын 9-нд тоглохоор бэлтгэлээ хангаж байгаа юм байна.