​Ажилгүйдлийн тэтгэмжид 154 тэрбум төгрөг олгожээ

Ажилгүйдлийн тэтгэмж авч байгаа хүмүүсийн тоо өссөөр байна. Энэ оны 1-9 сард ажилгүйдлийн даатгалын сангаас 28.2 мянган даатгуулагчид 154 тэрбум төгрөгийг ажилгүйдлийн тэтгэмж хэлбэрээр олгожээ. Харин 10,11 дүгээр сарын ажилгүйдлийн тэтгэмжийг орлого бүрдсэн үед олгоно гэж  Нийгмийн даатгалын ерөнхий газар тайлбар өглөө.  

Ажилгүйдлийн тэтгэмж авч байгаа хүмүүсийн тоо улиралд 4000-аар нэмэгдэж байгаа бөгөөд энэ онд 161 тэрбум төгрөг олгохоор төсөвлөсөн ч оны эхний 9 сарын байдлаар 90 гаруй хувь нь олгогдсон байгаа юм байна. Ажилгүйдлийн тэтгэмжийг нэг хүн 76 өдрөөр бодож авах ёстой байдаг байна. Энэ талаарх мэдээллийг өөрийн харьяа Нийгмийн даатгалын газраас тодруулж болох юм.