БАЯНГОЛ ДҮҮРЭГ ХҮҮХДЭД ЭРСДЭЛ УЧРУУЛЖ БОЛОХУЙЦ БАЙРШЛУУДАА ИЛРҮҮЛЖ, ХЯНАЛТ ХИЙЖ ЭХЭЛЛЭЭ
Баянгол дүүргийн Онцгой комисс/ДОК/-ын хуралдаанаар Ерөнхий сайдын 10-р албан даалгавар, УОК болон НОК-оос өгсөн үүрэг чиглэлийн хүрээнд дүүргийн нутаг дэвсгэрт хүүхэд болон иргэд оршин суугчид, олон нийтийн аюулгүй байдлыг хангах чиглэлээр
- Боловсрол, эрүүл мэндийн байгууллагын орчин,
- Баригдаж буй барилга байгууламж,
- Авто болон дугуй, явган хүний зам,
- Тоглоомын болон нийтийн эзэмшлийн талбай,
- Хашаа хайс, ногоон байгууламж,
- Орон сууц болон гэр хороолол,
- Худалдаа, үйлчилгээний байгууллага
- Үерийн далан шуудуу зэрэг эрсдэл бүхий орчинд үзлэг хяналт зохион байгуулах талаар үүрэг даалгавар өгсөн.
Улмаар дүүргийн ЗДТГ болон дэргэдэх байгууллагын удирдлага, албан хаагчдаас бүрдсэн долоон Ажлын хэсгийг байгуулж, дүүргийн 1-34 хороог бүсчилсэн байдлаар хуваан нэг сарын хугацаанд хяналт шалгалт зохион байгуулж эхэллээ
Энэ хүрээнд дүүргийн менежер Ж.Баатар өнөөдөр Ажлын хэсгийнхэнтэй уулзаж, зарим үүрэг чиглэлийг өглөө. Тодруулбал, үзлэг хяналт шалгалтын үеэр хариуцсан зам талбайн орчимд хүүхдэд эрсдэл учруулж болохуйц цахилгааны утас, нүх, эвдэрсэн зам, явган хүний зам, замын тэмдэг тэмдэглэгээ дутуу, хүний амь нас, эрүүл мэндэд шууд хохирол учруулж болохуйц зөрчил илэрвэл газар дээр нь арилгах, шаардлагатай тохиолдолд бүрэн болон хэсэгчлэн зогсоох арга хэмжээ авахыг үүрэг болголоо.
