Урантай холбох гэж олон зээр агнасан бичлэг ил болжээ

Иргэн Б.Хөхөө уранаас болж зээр үхсэн болгохын тулд олноор нь төхөөрч буйг нотолсон баримт ил боллоо. Зөөвч-Овоогийн уурхайд холоос ачиж ирсэн цагаан зээрээ үйлдвэрийн хашааны гадна буулган төхөөрөөд гэдэс дотрыг нь гарган, ил задгай хаяж орхиж байгаа нь бичлэгээс шууд харагдаж байна.

Иргэн Б.Хөхөөгийн энэ үйлдэл нь Эрүүгийн хуульд заасан гэмт хэргийн шинжтэй тул тул цагдаагийн байгууллага мөрдөн шалгах ёстой үйлдэл. Байгаль орчныг хамгаалах болон Ан агнуур тухай хуулиар цагаан зээр агнахыг хориглодог, эрүүгийн ял шийтгэлтэй гэмт хэрэг юм.
Нэг цагаан зээр агнасан бол иргэнийг 3-5 сая, аж ахуйн нэгжийн 30-50 сая төгрөгөөр торгодог хуультай. Нэг цагаан зээрийг 3.3 сая төгрөгөөр тооцон нөхөн төлүүлдэг. Харин олон тоогоор агнасан бол хорих ял шийтгэлтэй эрүүгийн гэмт хэрэг. Хорио цээрийн дэг журам зөрчсөн үйлдлийг ч хуулиар хориглосон байдаг.
Иргэн Б.Хөхөөгийн энэ үйлдэл нь олон тооны зээр хөнөөснөөс гадна мал амьтнаас хүнд халддаг бруцеллёз, галзуу, бэтэг зэрэг амьтнаас хүн малд халддаг халдварт өвчний хорио цээр, санаа зорилго, зохион байгуулалттайгаар илтэд худал мэдээлэл тараах зэрэг олон төрлийн гэмт хэгийн шинжтэй байна.
Мал, зэрлэг амьтнаас хүнд халддаг халдварт өвчин түгээмэл тохиолддог. Зэрлэг ан амьтан, малын өвчин хорогдол чухам юунаас болсныг лайвын сэтгэгдлээр биш лабораторийн нарийвчилсан дүгнэлтээр тогтоодог.