​Суррон, мопедыг улсын дугаартай болгох зохицуулалт хэрэгжиж эхэллээ ​

Суррон, мопед, мотоциклыг тээврийн хэрэгсэлд хамааруулж, техник хяналтын үзлэгт хамруулан улсын дугаар олгох зохицуулалт хэрэгжиж эхэллээ. 

Тодруулбал, эдгээр тээврийн хэрэгслийг оношилгоонд оруулж, дүгнэлт гарсны дараа бүртгүүлэн гэрчилгээ авч мотоциклын төрлийн эсвэл сурроны төрлийн улсын дугаар авч хөдөлгөөнд оролцох шаардлагатай болж байгаа юм. Мөн Суррон, мопедыг улсын бүртгэлд бүртгүүлснээр мотоциклтой адил татвар төлөх юм байна. 

Мотоциклд жилд ногдуулах албан татварын хэмжээ:

Хоёр дугуйтай мотоцикл:

• Нийслэл болон улсын зэрэглэлтэй хотод 2000-6000 төгрөг
• Орон нутгийн зэрэглэлтэй хот, сумд 1800-5400 төгрөг 

Гурван дугуйтай мотоцикл:

• Нийслэл болон улсын зэрэглэлтэй хотод 1500-9000 төгрөг
• Орон нутгийн зэрэглэлтэй хот, сумд 2800-8400 төгрөг байдаг байна.