“БАЯНГОЛ БОЛОВСРОЛ-2025” өдөрлөг боллоо
Баянгол дүүргийн Засаг даргын 2024-2028 оны үйл ажиллагааны хөтөлбөрийн хүрээнд суралцагчдын сурлагын чанарыг дээшлүүлэх, багшийн хөгжлийг дэмжих зорилгоор “Баянгол Боловсрол” арга хэмжээ хэрэгжүүлж буй. Энэ арга хэмжээний хүрээнд дүүргийн ерөнхий боловсролын сургуулийн сурагчид, эцэг эх, асран хамгаалагч нарт зориулсан гадаад, дотоодын их, дээд сургуулиудын мэдээллийг нэгдсэн байдлаар олгох "БАЯНГОЛ БОЛОВСРОЛ-2025” өдөрлөг өнөөдөр боллоо.
Өдөрлөгийн нээлтийн үйл ажиллагаанд Боловсролын яамны Гадаад хамтын ажиллагааны газрын дарга Б.Энхбаяр болон газар, хэлтсийн дарга нар, дүүргийн Засаг дарга Ө.Сумъяабаатар, Засаг даргын орлогч Д.Мөнхбаатар, Боловсролын хэлтсийн дарга Б.Пүрэвжал болон төрийн өмчийн 21 сургуулийн захирлууд болон дүүргийн гадаад, дотоод хамтын ажиллагаатай сургалтын байгууллагуудын удирдлагууд оролцоо.
Ахлах ангийн сурагчдад ажил мэргэжлийн чиг баримжаа олгох, мэргэжил сонголтод туслах, их дээд сургууль, сургалтын байгууллагын мэдээллийг нэг дороос хүргэх, гадаад дотоодын сургалтын байгууллагатай хамтын ажиллагааг өргөжүүлэх зорилготой өнөөдрийн өдөрлөгт Монголын болон АНУ, ОХУ, БНСУ, Филиппин зэрэг дотоод гадаадын их дээд сургуулиуд мэргэжлийн боловсролын 30 гаруй боловсролын байгууллага оролцсон бөгөөд дүүргийн нутаг дэвсгэрт үйл ажиллагаа явуулдаг төрийн өмчийн 21 сургуулийн 5000 гаруй сурагч, багш, эцэг эхчүүд оролцож мэдээлэл авлаа.
Өдөрлөгийн үндсэн зохион байгуулагчаар Баянгол дүүргийн Засаг даргын Тамгын газар, дүүргийн Боловсролын хэлтэс, хамтран зохион байгуулагчаар Филиппин улсын “Philinter” академи оролцлоо.
