“ТӨР, ХУВИЙН ХЭВШЛИЙН ТҮНШЛЭЛ ТӨВ” ТӨААТҮГ МОНГОЛЫН ҮНДЭСНИЙ ХУДАЛДАА, АЖ ҮЙЛДВЭРИЙН ТАНХИМТАЙ ХАМТРАН АЖИЛЛАНА

“Төр, хувийн хэвшлийн түншлэл төв” ТӨААТҮГ өнөөдөр /2025.03.17/ төр, хувийн хэвшлийн түншлэлийг өргөжүүлэх, хууль эрх зүйн таатай орчныг бүрдүүлэх зорилгоор Монголын Үндэсний Худалдаа, Аж Үйлдвэрийн Танхимтай хамтран ажиллах санамж бичиг байгууллаа.

Санамж бичигт “Төр хувийн хэвшлийн түншлэл төв” ТӨААТҮГ-ын захирал М.Амгаланбаатар, Монголын Үндэсний Худалдаа, Аж Үйлдвэрийн Танхимын Ерөнхийлөгч Л.Төр-Од нар гарын үсэг зурлаа.

Хамтын ажиллагааны хүрээнд талууд: 

• Хөрөнгө оруулалтын орчныг сайжруулах, бизнесийн орчинд тулгарч буй бэрхшээлийг арилгах, бизнес эрхлэлтийг хялбарчлах, хувийн хэвшлийн салбарыг бэхжүүлэх чиглэлээр хамтран идэвхи санаачлагатай ажиллах,
• Бизнесийн хууль эрх зүйн орчныг сайжруулах зорилгоор хамтын хүчин чармайлтаар төрийн бодлого, шийдвэрт санал, зөвлөмжийг боловсруулахад бизнес эрхлэгчдийн саналыг тусгахад дэмжлэг үзүүлэх,
• Бие биенийхээ үйл ажиллагааг харилцан дэмжиж, Төр, хувийн хэвшлийн түншлэлийн тухай хууль тогтоомжийг бизнес эрхлэгч, олон нийтэд хүргэх, таниулах, сурталчлах ажлыг хамтран зохион байгуулах
• Төр, хувийн хэвшлийн түншлэлийг өргөжүүлэх чиглэлээр төрийн байгууллага, бизнес эрхлэгчдийн төлөөллийг оролцуулсан уулзалт, хэлэлцүүлгийг хамтран зохион байгуулах, уулзалтаас гарсан саналыг холбогдох төрийн байгууллагуудад уламжлах,
• Төр, хувийн хэвшлийн түншлэлийн зөвлөл байгуулж ажиллах, цаашдын ажлаа өргөжүүлэх чиглэлээр МҮХАҮТ болон ТХХТТ удирдлагын түвшин дэх уулзалтыг хагас жил тутам зохион байгуулах,
• Төр хувийн хэвшлийн зөвлөлдөх хороог орон нутагт байгуулах, үр дүнтэй ажиллуулахад орон нутгийн засаг захиргааны байгууллагуудын санаачлага оролцоог хангах, чиглэл өгөх зэрэг ажлууд дээр хамтран ажиллах юм.