УИХ-ын гишүүн хүний амь аварчээ...
Энэ явдал Turkish Airlines компанийн онгоцонд өнөөдөр өглөө болсон байна. Энэ талаар онгоцонд хамт явсан УИХ-ын Л.Мөнхбаясгалан ийнхүү бичжээ:
Б.Бейсен гишүүн зүрх нь тасалдсан зорчигчийг аврав. Өнөө өглөө Станбулаас Улаанбаатарын чиглэлд нисч байсан Turkish Airlines онгоцны нислэгийн үеэр нэгэн зорчигчийн бие муудсан юм. Онгоцны чанга яригчаар “ зорчигчдын дунд эмч мэргэжилтэй хүн байвал яаралтай нисэх багийнхантай уулзана уу” гэж англи , турк , монгол хэлээр зарласан нь зорчигчдийг багагүй түгшүүрт автуулав. Гэтэл УИХ ын гишүүн, Байгаль орчин хүнс хөдөө аж ахуйн байнгын хорооны дарга Б.Бейсен зүрх нь тасалдаж, даралт нь 220 хүрч байсан зорчигч эмэгтэйг цаг алдалгүй эмчилж аварч чадлаа. Хэрэв хүний бие муудаад эмч байхгүй бол дээгүүр нь нисэн өнгөрч буй аль нэг оронд зөвшөөрөл аван буух байжээ. Онгоцны багийн түргэн тусламжийн хэрэгсэл дээр өөрийнхөө хувьдаа авч явсан эм эмнэлгийн хэрэгслийг ашиглан бүсгүйг эмнэж Улаанбаатарт эсэн мэнд авчирлаа.
УИХ ын гишүүн Б.Бейсен бол Монгол улсын хүний гавьяат эмч гэдгийг бүгд мэднэ.
Сайхан чиг юм даа, эмч хүн гэдэг… бие нь муудсан хүнийг эмчилж, онгоц дүүрэн зорчигчдийг тайвшируулаад л… бас онгоцонд явсан цорын ганц эмч бөгөөд турк хэлээр чөлөөтэй ярьж байгааг хараад бахархаж байсан даа. Монгол улсын УИХ- ын гишүүн, Байгаль орчин хүнс хөдөө аж ахуйн байнгын хорооны дарга, хүний гавьяат эмч танд талархал илэрхийлье.
