​Улаанбурхнаар өвчилж байгаа хүүхдүүдийн дийлэнх нь 10-14 насныхан байна

24 цагт  улаанбурханы 73 шинэ тохиолдол бүртгэгджээ. 

Улсын хэмжээнд улаанбурхан өвчний батлагдсан тохиолдол 1964 болсон бол 1390 тохиолдол нь эмчлэгдэн, хяналтаас гарсан байна. Харин өнгөрсөн 24 цагийн хугацаанд 73 шинэ тохиолдол бүртгэгдсэнээс 21 тохиолдол нь эмнэлэгт хэвтэж, мөн зөрж 24 тохиолдол эмчлэгдэн эмнэлгээс гарсан аж.

Батлагдсан 1964 тохиолдлын дийлэнх нь 10-14 насныхан эзэлж байна.  Иймд дээрх насны хүүхэдтэй бол нөхөн дархлаажуулалтад хамруулах нь улаанбурхан өвчнөөс урьдчилан сэргийлэх хамгийн зөв арга гэдгийг ХӨСҮТ-өөс анхааруулж байна.