Мандатаа өвөртлөх өдөр

2024 оны УИХ-ын сонгуульд нэр дэвших хүмүүс өнөөдөр тодорно. 

УИХ-ын Сонгуулийн тухай хуульд: сонгуульд оролцохоор бүртгүүлсэн нам, эвсэл нь 2024 оны тавдугаар сарын 14-20-ны өдрийг дуустал хугацаанд нэр дэвшүүлэх ажиллагааг зохион байгуулна гэж заасан. Өчигдөр буюу 5 сарын 19-ны ням гарагт Ардчилсан намын ҮБХ хуралдсан бол өнөөдөр МАН-ын бага хурал 16:00 цагаас зарлагдаад байна. Өнөөдөр улс төрийн намуудаас хэн, хэн аль тойрогт нэр дэвшихийг тодорхой болгох эцсийн өдөр. Үндсэндээ сүүлийн хэд хоногт горилогчид чадхаараа гүйж, намын удирдлагууд нойргүй хонож, ухаанаа уралдуулсан марафон болж өнгөрлөө. Тойрог дахь өрсөлдөөнөөс гадна намын жагсаалтын ханш хэдэн тэрбумаар яригдаж, зарим намд жагсаалт 15 тэрбумт хүрч байгааг зарим гишүүд чуулганы индэрээс хэлсээн. Ямартаа ч өнөөдөр бүх асуултын хариулт тодорхой болох чухал өдөр юм. 

Нэр дэвшигчид тодорсны дараа тав хоногийн дотор нэр дэвшүүлэх хүсэлтийг СЕХ хүлээж авах юм. Харин хүсэлт авснаас хойш долоо хоногийн дотор тухай нэр дэвшигчийг бүртгэх эсэх шийдвэрийг гаргана.