“Урт цагаан“ ямар болох вэ?

"УРТ ЦАГААН” үйлчилгээний төвийн барилгыг нураагаад хагас жил боллоо. Тус төвийн орчмыг дахин төлөвлөх концепц, загвар зураг төсөл боловсруулах уралдааныг иргэд олон нийтийн дунд дөрөвдүгээр сарын 20-ны өдрөөс энэ сарын 11-ны өдрийг хүртэлх хугацаанд зарласан.

Уралдаанд Дотоодын ТББ-ууд, ОХУ, Швед, Нидерланд, БНХАУ зэрэг улсаас нийт 28 баг бүтээлээ ирүүлжээ. Эдгээр бүтээлээс шалгарсан цорын ганц загвараар урт цагааныг тохижуулна гэж Нийслэлийн ЗДТГ-аас мэдэгдээд байгаа. Тэгвэл өнөөдөр "Урт цагаан"-ы тохижилтын тендерийг зарлалаа. 

Тодруулбал, Чөлөөлсөн 1.3 га талбайд иргэдийн санал хүсэлтийн дагуу авто машины далд зогсоолтой, дээрээ ногоон байгууламжтай цэцэрлэгт хүрээлэн байгуулах, гурван давхар үйлчилгээний төв, далд болон ил зогсоол, задгай мини театр, дугуйн зогсоол, усан оргилуур зэргийг төлөвлөөд байгаа юм.