Дэлхийн анхны ИХ НАЯДЫН хөрөнгөтөн Илон Маск байх болно гэж мэдээллээ
Тесла компанийн захирал Илон Маскийг 2027 он гэхэд дэлхийн анхны их наядтан болох магадлалтай гэж тооцоолжээ.
"Informa Connect Academy"-ын судалгаагаар:
Илон Маскын эзэмшдэг Тесла, SpaceX, X буюу Твиттер зэрэг компанийн хөрөнгө жилд дунджаар 110 хувийн өсөж байна. Энэтхэгийн тэргүүн баян, бизнесмен Гаутам Аданигийн хөрөнгө одоогийн өсөлтөөр буюу жилд дунджаар 123 хувиар өсвөл 2028 онд хоёр дахь их наядтан болно гэсэн тооцоо гарчээ. Блүүмбергээс тэрбумтнуудын хөрөнгийн индексийг тооцон гаргахад Илон Маск 251 тэрбум ам.долларын хөрөнгөтэйгөөр дэлхийн хамгийн баян хүмүүсийн жагсаалтыг тэргүүлсэн юм.
Тэрбумтнуудын жагсаалтад дээгүүр бичигддэг Louis Vuitton, Christian Dior, Tiffany & Co зэрэг тансаг зэрэглэлийн 75 брэндийг эзэмшдэг LVMH группийн ерөнхийлөгч Бернар Арно болон Мета компанийн захирал Марк Зукерберг нарыг 2030 онд их наядтангуудын эгнээнд нэгдэнэ гэж тооцоолсон байна.
