Цахим хөгжлийн индексээр Монгол улс 2 жилийн дотор 28 байр урагшилж, 46 дугаарт жагсчээ

Дэлхийн 193 орныг цахим хөгжлийн индексээр жагсаасан судалгаа 2 жил тутамд гардаг. НҮБ-ын эдийн засаг, нийгмийн асуудал хариуцсан хэлтсээс гаргадаг тус судалгаанд Монгол улс энэ жил 46 байраар урагшилж, дэлхийн 193 орноос 46-т жагсчээ. 

Энэ жагсаалтыг гаргахдаа тогтвортой хөгжлийн зорилтуудын хэрэгжилтийг хангах хүрээнд онлайн үйлчилгээ, харилцаа холбооны дэд бүтэц, хүний капиталын индекс гэсэн гурван бүрэлдэхүүн хэсэгт хувааж гаргадаг байна. 

Манай улсын хувьд Цахим хөгжлийн индексээр 193 орноос 

• 2018 онд 92 дугаарт 
• 2020 онд 92 дугаарт 
• 2022 онд 74 дүгээрт 
• 2024 онд 46 дугаар байрт оржээ. 

46 байр урагшилсан гол хүчин зүйлс нь 2022-2024 онд Монгол Улс цахим шилжилтийг эрчимжүүлэх чиглэлээр 4 багц хуулийг баталж, амжилттай хэрэгжүүлж эхэлсэн бөгөөд нээлттэй ил тод байдлыг хангах "ШИЛЭН" ажиллагаа, E-Mongolia, Е-barimt төрийн үйлчилгээний шинэчлэл болон Е-Business, Mindgolia, Е-Kids зэрэг төрийн байгууллагаас үзүүлж буй үйлчилгээг 17 системээр дамжуулан хүргэж буй ололт, харилцаа холбооны дэд бүтцийг өргөжүүлсэн байдал, иргэдийн цахим оролцоог нэмэгдүүлсэн зэрэг ажлууд багтсан байна.

2022-2024 оны хооронд Цахим засаглалын индексээр 193 орноос 46 дугаар байр хүртэл ахих үед тухайн үед Цахим хөгжил, Харилцаа холбооны сайдаар Ням-Осорын Учрал ажиллаж, дээрх хэрэгжилтийг багаараа гүйцэтгэсэн юм.