Алдарт жүжигчин Мерил Стрийп НҮБ-ын 79 дүгээр ассамблейд оролцож байна

АНУ-ын Нью-Йорк хотноо болж буй НҮБ-ын Ерөнхий Ассамблейн 79 дэх удаагийн чуулганд алдарт жүжигчин Мерил Стрийп оролцож байна. Түүний хэлсэн хүний эрхийг амьтантай харьцуулсан үг өнөөдөр дэлхийн хэвлэлүүдийн онцлох мэдээ боллоо. 

Мерил Стрийп:  "Хэрэмнүүд афган эмэгтэйчүүдээс илүү эрхтэй байна" гэх үгийг хэлээд, Афганистанд цэцэрлэгт хүрээлэнгүүдийн ихэнх нь охид, бүсгүйчүүдэд хаалттай. Кабулд шувууд дуулж болно, харин охид, эмэгтэйчүүд гудамжинд дуулж болохгүй. Иймээс Афганистаны энэ байдалд олон улс нөлөөлөл үзүүлж, өөрчлөлт хийх хэрэгтэй байгааг НҮБ-ын индэр дээрээс 193 орны төр засгийн тэргүүнүүдэд хандан уриаллаа. 

2021 оноос хойш эмэгтэйчүүдэд тавигдаж байгаа олон төрлийн хоригийн эсрэг дуу хоолойгоо хүргэх, Афганистан эмэгтэйчүүдийн тэмцлийг дэмжих хэрэгтэй байгаа асуудал НҮБ-ын энэ удаагийн чуулганы бас нэгэн онцлох сэдэв болж байна.