Д.Амарбаясгалан: УИХ ирэх дөрвөн жил хүний эрх, эрх чөлөөг дээдэлсэн үзэл санааг тэргүүн эрэмбэд тавилаа

Admin
2025/01/01

УИХ-ын дарга Д.Амарбаясгалангийн мэндчилгээ: 

Эрхэм хүндэт ард иргэд ээ,

Шинэ он гарах баярт агшныг сэтгэл догдлон хүлээн суугаа Та бүхэндээ шинэ оны баярын мэндийг чин сэтгэлээсээ өргөн дэвшүүлье. Улиран одож буй 2024 он Монгол Улс болон дэлхий дахинаа онцлог үйл явдлаар дүүрэн өндөрлөж байна. Дэлхийн олон оронд парламентын сонгууль болж, парламентат ёс, ардчиллын хөгжилд ололт, сорилтын аль алиныг үлдээлээ.

Монголчууд бид Улсын Их Хурлын болон нутгийн өөрөө удирдах байгууллагын сонгуулиа амжилттай зохион байгуулж, эрх зүйт ёс, ардчиллын төлөө байгаагаа олон улсад дахин нотлон харуулснаараа бахархах учиртай.

Монгол Улсын Үндсэн хуульд оруулсан өөрчлөлтийн дагуу сонгуулийн холимог тогтолцоогоор Та бүхэн анх удаа 126 гишүүнтэй төрийн эрх барих дээд байгууллагаа сонгож байгуулснаараа парламентат ёсны түүхэндээ нэгэн шинэ хуудас нээлээ.

Шинэ парламент улс төрийн таван нам, эвсэл болон нийгмийн олон бүлэг, салбарын төлөөллөөс бүрдэж, эмэгтэй гишүүдийнхээ эзлэх хувиараа Ази тивдээ тэргүүлэх болсон нь Та бидний хамтын ололт, амжилт юм. Энэ үр дүнд хүрэх зам дардан байгаагүй. Олон нийтийн өргөн хэлэлцүүлэг, улс төрийн намуудын удаа дараагийн нээлттэй зөвшилцөл зэрэг олон талт механизмыг ашиглан энэхүү дэвшилд хүрч чадсан. Нийгмийн зөвшилцөл, ойлголцол бол Үндсэн хуулиар тунхагласан хүмүүнлэг, иргэний ардчилсан нийгмийг цогцлуулан хөгжүүлэхэд чухал зарчим мөн гэдгийг онцлон тэмдэглэе.

Энэ удаагийн парламентын үнэт зүйл мөн үүнд чиглэж байна. Улсын Их Хурал ирэх дөрвөн жилийн стратегиа баталж нийт иргэн, үндэсний язгуур ашиг сонирхлыг эрхэмлэсэн, тогтвортой хөгжилд тулгуурласан, хүн төвтэй, хүний эрх, эрх чөлөөг дээдэлсэн үзэл санааг тэргүүн эрэмбэд тавилаа. Тиймээс цаг үеийн шаардлагад нийцүүлэн хуулийг цаг алдалгүй, чанартай баталдаг болох, хууль ба журмын заагийг тодорхойлж зохистой харьцааг хангах, хуулийн биелэлтэд тавих хяналтыг тогтмолжуулах, парламентын үйл ажиллагааны үр нөлөөг дээшлүүлэх зэрэг олон чухал ажил биднийг хүлээж байна. Үүний гол зорилго бол хуулийн дор хүн бүр эрх тэгш байхад оршино.

Эх орон, элэг нэгт Монголчууд аа,

Манай ард түмэн амны бэлгээс ашдын бэлгэ хэмээн ерөөдөг билээ. Шинэ оныг угтах мөчид хүн бүр өөдрөг сайхан хүсэл мөрөөдөл, итгэл найдвар, гэрэл гэгээгээр дүүрэн байдаг нь энэ баярын гайхамшиг юм. Та бүхний ерөөл биелж, хүн бүр эрүүл энх байж, хүүхэд багачууд элбэрэл хайраар бялхаж, өргөө гэр нь аз жаргалаар дүүрэн, ажил үйлс нь амжилт бүтээлээр арвин байхыг хүсэн ерөөе. Айлчлан ирж буй 2025 оны шинэ жилийн баярын мэндийг Монгол Улсын Их Хурлын нэрийн өмнөөс өргөн дэвшүүлье.


0
angry
0
care
0
haha
0
liked
0
love
0
sad
0
wow

EXIT NEWS
Ерөнхийлөгч У.Хүрэлсүх өнөөдөр Хятадын дарга Ши Жиньпинтэй хоёр талын … Өчигдөр
Хорт хавдрыг маш сайн устгадаг ХӨЛДӨӨХ ЭМЧИЛГЭЭ маш олон давуу талтай  Өчигдөр
​АГЛАГ БҮТЭЭЛИЙН ХИЙД Өчигдөр
​Асрамжийн газрын өнчин хүүхдүүдээр өөрийгөө дөвийлгөгч мэдрэмжгүй төл… Өчигдөр
​Хүүхдэд ээлгүй улсын тоогоор Монгол улс​ хаана бичигдэх болоо? Өчигдөр
9 сарын 16 дуустал тэгш, сондгойгоор замын хөдөлгөөнд оролцоно 2025/08/25
ЖИХҮҮН САЛХИ ЗУНЫГ БУЦААХГҮЙ… 2025/08/25
​УБ хотод аюултай үзэгдлийн хэмжээнд бороо орно  2025/08/19
"АЙРАГ" фестивалийг 16 дахь жилдээ зохион байгуулж байна 2025/08/05
Хорт хавдрын эсийг үр дүнтэй устгадаг орчин үеийн дэвшилтэд эмчилгээгэ… 2025/08/05
Э.БАТШУГАР: ЦААСАН И-БАРИМТЫГ ХАЛЖ БҮРЭН ЦАХИМЖУУЛАХ АЖЛЫГ ЭХЛҮҮЛЛЭЭ 2025/08/05
Төв аймгийн Жаргалант сумын засаг дарга асан Д.Ганболд өөрийн ах дүү, … 2025/07/31
​Р.Эмүжин: Гоо үзэсгэлэн... 2025/07/31
Буддын гүн ухаан, шинжлэх ухаан хоёрыг харьцуулан судалсан Доктор, дэд… 2025/06/27
Приус авто машины хаягдал батерейг сэргээж, дахин боловсруулах төслийг… 2025/06/27
Нэн эртнээс өнөө үе хүртэлх Монголын дүрслэх урлагийн түүх судлалын то… 2025/06/27
мал нядлахдаа арьсыг нь ихээр гэмтээж байгаагаас болж арьс шир үнэгүйд… 2025/06/27
Монгол адууны туурайг Дэлхийд анх удаа гэмт нарийн судалж, шинжилж бай… 2025/06/27
Монгол эрдэмтэд борлонгийн ноолуурнаас хөнгөмсөг, торгомсог бүтээгдэхү… 2025/06/27
Дархад, Сэлэнгийн сав газарт буй цагаан загасыг цаашид Төрийн бодлогоо… 2025/06/27
​Гандантэгчинлэн хийдийг​ үзэх 7000 мянга төгрөгийн жуулчны тасалбар 2… 2025/06/24
БНСУ-ын тэргүүн хатагтай асан Ким Гон хигийн магистрийн зэргийг цуцалн… 2025/06/24
МОНГОЛ УЛСЫН ХӨДӨЛМӨРИЙН БААТАР САНЖИЙН БАТ-ОЧИРЫН ГЭРЭЛТ ХӨШӨӨНИЙ НЭЭ… 2025/06/04
П.Батчулуун эмчийн хэргийг ҮДШ-ээс цагаатгаж шийдвэрлэлээ 2025/06/04
“Гэмт хэрэг, зөрчлөөс урьдчилан сэргийлэх нээлттэй өдөрлөг” арга хэмжэ… 2025/05/16