Э.Батшугар: Монголбанк үнийн өсөлт, ханшийн тогтвортой байдлыг хадгалж эдийн засгийн өсөлтийг дэмжих ёстой

Admin
2025/01/17

УИХ-ын чуулганы нэгдсэн хуралдаанаар Монголбанкны Мөнгөний бодлогын хорооны орон тооны бус гишүүнд нэр  дэвшигчдийн асуудлыг хэлэлцлээ. Энэ үеэр УИХ-ын гишүүн Э.Батшугар нэр дэвшигчдэд зөвлөгөө өгч,  дараах байр суурийг илэрхийллээ.

УИХ-ын гишүүн Э.Батшугар: Монгол банкны мөнгөний бодлогын хороо бол  нийгэм, эдийн засагт шууд болон шууд бусаар нөлөөлж болох маш чухал институт юм. Тус хороо Монголбанкны бодлогын хүү өсгөх, бууруулах, арилжааны банкнуудын заавал байлгах ёстой төгрөг, валютын нөөцийг нэмэх, хасах гэх мэт олон бодлогын шийдвэрүүдийг гаргадаг. Эдгээр шийдвэрүүд хараат бус байх ёстой, Монгол банк хараат бус байснаар эдийн засаг, санхүүгийн тогтвортой байдлыг хангах боломжтой юм. Тиймээс хэд хэдэн асуух асуулт байна.

Нэгдүгээрт, Монгол банкны үндсэн зорилгыг хэрхэн харж байна вэ.

Хоёрдугаарт, та бүхний  өнөөдрийг хүртэл сурсан зүйлсээс харахад Монгол банк мөнгөний бодлогын ямар онолоор явж байна вэ. Мөнгөний бодлогын олон онол байдаг. Эдгээрээс та бүхний итгэл үнэмшил аль талдаа байдаг вэ?

2025.01.16-ны өдрийн  ЭЗБХ-ны хуралдаан дээр Р.Даваадорж нэр дэвшигчээс Монголбанкны бодлогын хүү гэж юу вэ, ямар сувгаар бодит эдийн засагт нөлөөлдөг вэ гэж асуухад мэдэхгүй байсан. Тухайн үед буруу хариулсан. Монгол банкны бодлогын хүү банк хоорондын зээлийн дундаж хүү гэж хариулсан. Тийм биш шүү, сайн судлаарай. Учир нь та бодлогын хүү дээр тодорхой хэмжээнд дуу хоолойгоо өргөх ёстой юм. Монгол банк, төв банкны онол цаашдаа ямар сувгаар, хэрхэн эдийн засагт нөлөөлдгийг судлаарай гэж хэлмээр байна

2025.01.16-ны өдөр Монголбанкны бодлогын хороо хуралдаад заавал байлгах ёстой төгрөг, валютын нөөцийг хоёр хувиар нэмсэн. Та бүхэн удахгүй томилогдох гэж байгаа учраас энэ шийдвэр нь бодит эдийн засагт яаж нөлөөлөх вэ гэдгийг асууя.

Монголбанкны Мөнгөний бодлогын хорооны орон тооны бус гишүүнд нэр дэвшигч Раднаасэдийн Даваадорж: Монголбанкны бодлогын хүүг мэдэхгүй байсан гэж байна. Үүн дээр буруу хариулсан байж магадгүй. Монголбанк төгрөг, валютын нөөцөө хоёр хувиар нэмэгдүүлсэн гэж байна. Тэгэхээр мөнгөний хатуу бодлогыг баримталж  байна гэж ойлголоо.

УИХ-ын гишүүн Э.Батшугар: Засгийн газар нь хөгжлийн мега төсөл хөтөлбөрүүдээ хэрэгжүүлэх гээд төсвөө тэлдэг ч нөгөө талд Монголбанк чөдөрлөөд байж болохгүй. Монголбанк үнийн өсөлт болон валютын ханшийг тогтвортой байлгахын зэрэгцээ Монгол улсын эдийн засгийн өсөлтийг дэмжих балансыг нь барих чиглэлд ажиллах хэрэгтэй.


0
angry
0
care
0
haha
0
liked
0
love
0
sad
0
wow

EXIT NEWS
9 сарын 16 дуустал тэгш, сондгойгоор замын хөдөлгөөнд оролцоно 2025/08/25
ЖИХҮҮН САЛХИ ЗУНЫГ БУЦААХГҮЙ… 2025/08/25
​УБ хотод аюултай үзэгдлийн хэмжээнд бороо орно  2025/08/19
"АЙРАГ" фестивалийг 16 дахь жилдээ зохион байгуулж байна 2025/08/05
Хорт хавдрын эсийг үр дүнтэй устгадаг орчин үеийн дэвшилтэд эмчилгээгэ… 2025/08/05
Э.БАТШУГАР: ЦААСАН И-БАРИМТЫГ ХАЛЖ БҮРЭН ЦАХИМЖУУЛАХ АЖЛЫГ ЭХЛҮҮЛЛЭЭ 2025/08/05
Төв аймгийн Жаргалант сумын засаг дарга асан Д.Ганболд өөрийн ах дүү, … 6 цагийн өмнө
​Р.Эмүжин: Гоо үзэсгэлэн... 6 цагийн өмнө
Буддын гүн ухаан, шинжлэх ухаан хоёрыг харьцуулан судалсан Доктор, дэд… 2025/06/27
Приус авто машины хаягдал батерейг сэргээж, дахин боловсруулах төслийг… 2025/06/27
Нэн эртнээс өнөө үе хүртэлх Монголын дүрслэх урлагийн түүх судлалын то… 2025/06/27
мал нядлахдаа арьсыг нь ихээр гэмтээж байгаагаас болж арьс шир үнэгүйд… 2025/06/27
Монгол адууны туурайг Дэлхийд анх удаа гэмт нарийн судалж, шинжилж бай… 2025/06/27
Монгол эрдэмтэд борлонгийн ноолуурнаас хөнгөмсөг, торгомсог бүтээгдэхү… 2025/06/27
Дархад, Сэлэнгийн сав газарт буй цагаан загасыг цаашид Төрийн бодлогоо… 2025/06/27
​Гандантэгчинлэн хийдийг​ үзэх 7000 мянга төгрөгийн жуулчны тасалбар 2… 2025/06/24
БНСУ-ын тэргүүн хатагтай асан Ким Гон хигийн магистрийн зэргийг цуцалн… 2025/06/24
МОНГОЛ УЛСЫН ХӨДӨЛМӨРИЙН БААТАР САНЖИЙН БАТ-ОЧИРЫН ГЭРЭЛТ ХӨШӨӨНИЙ НЭЭ… 2025/06/04
П.Батчулуун эмчийн хэргийг ҮДШ-ээс цагаатгаж шийдвэрлэлээ 2025/06/04
“Гэмт хэрэг, зөрчлөөс урьдчилан сэргийлэх нээлттэй өдөрлөг” арга хэмжэ… 2025/05/16
​Э.Батшугар: "ХАР ЖАГСААЛТ" гэх ойлголт байхгүй болно 2025/05/16
​Улаанбурхнаар өвчилж байгаа хүүхдүүдийн дийлэнх нь 10-14 насныхан бай… 2025/05/16
Монгол, Хятадын Гашуунсухайт–Ганцмод боомтын хил дамнасан төмөр замын … 2025/05/14
Ерөнхий сайд Л.Оюун-Эрдэнэ: Говийн бүсийг усаар хангах ажил НЭГДҮГЭЭРТ… 2025/05/12
​Суррон, мопедыг улсын дугаартай болгох зохицуулалт хэрэгжиж эхэллээ … 2025/05/12