Улаанбаатар хотын шинэ цэвэрлэх байгууламж энэ оны наймдугаар сард ашиглалтад орно

Admin
2025/01/27

Нийслэл Улаанбаатар хотын агаарын бохирдлыг бууруулах, дэд бүтцийн бүтээн байгуулалтын төсөл, арга хэмжээг хэрэгжүүлэхэд дэмжлэг үзүүлэх, салбар хоорондын зохицуулалт, шуурхай удирдлагаар хангах Шуурхай штабын ээлжит хуралдаан боллоо.   
Хуралдааны эхэнд Хөшигийн хөндийн туннелийг Сэлбийн хурдны замтай
холбох авто замын төслийн танилцуулгыг сонслоо. Хөдөлгөөний ачааллыг бууруулахаар Туулын хурдны зам, Богдхан уулын туннель, Сэлбэ сэргэлт төслийг хэрэгжүүлж байгаа юм.
Сэлбэ хурдны зам 25.2 км урттай, дөрвөн эгнээ, 15 уулзвартай бөгөөд гэрлэн дохиогүй, тууш хөдөлгөөнийг хангана гэж үзжээ. Харин Сэлбэ сэргэлт төслийн авто зам 21.6 км урттай. Сонсголонгийн гүүрний арын уулзвараас эхэлж, Сэлбэ дэд төвийн замтай нийлнэ. Сэлбэ хурдны замын урд хэсэг, Сэлбэ сэргэлт төслийн авто замын хойд хэсэгт  6.5 км авто зам давхцаж байгаа учир зураг төсвийг дахин шинэчлэх шаардлагатай аж. Замуудыг олон түвшний огтлолцлоор холбох, Богдхан уулын туннелтэй холбох хэд хэдэн хувилбар гаргажээ.  

Улаанбаатар хотын Худалдааны танхимаас төр, хувийн хэвшлийн түншлэлийг хөгжүүлэх эрх зүйн таатай орчин бүрдүүлэхэд анхаарах асуудлыг танилцуулав. 150 гаруй байгууллагын саналыг нэгтгэхэдтөр, хувийн хэвшлийн түншлэлийг хөгжүүлэх, хувийн хэвшлийн оролцоог нэмэгдүүлэхийн тулд төсөл хэрэгжүүлэхэд хөрөнгө оруулалтын гэрээнд тусгагдсан хугацаа хүртэлх дотоод, гадаадын хөрөнгө оруулагчийн эрх ашгийг ижил хамгаалах, төсөл санаачлагч, хэрэгжүүлэгч ААН-үүдийн технологи, бизнесийн нууцыг хамгаалах тогтолцоо, хариуцлагын механизм бий болгох зэргийг онцолсон байна.  Ерөнхий сайд төр, хувийн түншлэлийг сайжруулах чиглэлээр тус танхимтай хамтран ажиллах, Бахрейн улсын туршлагад үндэслэн хэрэгжүүлж буй “Business friendly” хөтөлбөртэй уялдуулахыг ЗГХЭГ-ын дарга Н.Учралд даалгав. Мөн өнөөдрийн хуралдаанд танилцуулсан асуудлуудыг Засгийн газрын хуралдаанд танилцуулж холбогдох шийдвэрүүдийг гаргаж ажиллахыг анхаарууллаа.
           
Түүнчлэн штабын гишүүд манай улс FIDIC загвар гэрээг хэрэглэх, холбогдох хуулиудад олон улсын худалдан авалтын дөрвөн үндсэн зарчим тусгаж өөрчлөлт оруулах, “Дэд бүтцийн бүтээн байгуулалтын тухай” хууль санаачлан батлуулах, Сайжруулсан хатуу түлш, техникийн шаардлага стандартыг шинэчлэх, Агаарын чанарын индексээр чанарыг үнэлэх, мэдээлэх журмыг шинэчлэх зэрэг санал дэвшүүлж байлаа. Нийслэлийн Засаг дарга бөгөөд Улаанбаатар хотын Захирагч асан Э.Бат-Үүл “Улаанбаатар хотын  цогц төлөвлөлттэй танилцлаа. Хөшигийн хөндийтэй холбоод Улаанбаатар хотын шинэ орон зай гаргаж ирсэн байна. Төлөвлөлтийг УИХ-аар батлуулчихвал хөрөнгө оруулагч талууд найдвартай, хуульчилсан төлөвлөгөө байна гэж үздэг” гэж хэллээ.

Ерөнхий сайд Л.Оюун-Эрдэнэ шуурхай штабын хуралдааны дараа БНХАУ-ын хөнгөлөлттэй зээлээр баригдаж буй Улаанбаатар хотын шинэ Төв цэвэрлэх байгууламжийн ажлын явцтай танилцлаа. Төслийн явц 95 хувьтай, энэ оны наймдугаар сард ашиглалтад оруулахаар төлөвлөжээ. Энэхүү төсөлтэй уялдуулан хаягдал усыг дахин боловсруулах технологи нэвтрүүлэхээр ажиллаж байна, төслийн хэрэгжилт 60 хувьтай байна. Төв цэвэрлэх байгууламжийн цэвэрлэсэн усыг дахин боловсруулж ашигласнаар газрын доорх усыг үйлдвэрлэлийн зориулалтаар ашиглахыг багасгах ажээ.


0
angry
0
care
0
haha
0
liked
0
love
0
sad
0
wow

EXIT NEWS
Туулын хурдны замын гүүрэн байгууламжийн урт 6771 метр байсныг 9878 ур… 2025/04/18
БИЗНЕСИЙН СУРГАЛТТАЙ АЯЛАЛ ЗӨВХӨН ЭМЭГТЭЙЧҮҮДЭД 2.880.000 ТӨГРӨГ 2025/04/16
Төрсөн сараар нь шинжих нь 2025/04/16
Хангайн бүсийн талаар Засгийн газрын хуралдаанаас дараах шийдвэрүүдийг… 2025/04/16
Төвөдөд 3.5 магнитудын хүчтэй газар хөдөлжээ 2025/04/16
Л.ГАНТӨМӨР: УЛСЫН ХӨГЖИЛ БОЛ ХҮНИЙ ХӨГЖИЛ... 2025/04/14
Ерөнхий сайд Л.Оюун-Эрдэнэ оролцож “Бүсчилсэн хөгжлийн реформ” сэдвээр… 2025/04/14
​Дуучин Үүрээ "Мөнхийн реп" хамтлагтай хамтарсан тоглолтоор өв соёлоо … 2025/04/09
Н.Учрал: “Төгрөг нуур” ордтой холбоотой татвар төлөхөөс зайлсхийх, мөн… 2025/04/09
Сангийн сайд Б.Жавхлан: Монгол Улсын экспорт өнгөрсөн долоо хоногтой х… 2025/04/09
Д.Батбаатар: Тээврийн үнэ тогтвортой байх ёстой 2025/04/09
Урантай холбох гэж олон зээр агнасан бичлэг ил болжээ 2025/04/04
"Алтайн хүдэр" ХХК-иас 10.8 тэрбум төгрөг гаргуулахаар боллоо 2025/04/04
"Дэлхийн мисс"-т өрсөлдөх Б.Эрдэнэсувд Улсын харцага Г.Батбаярын охин.… 2025/04/03
11-11 төвд 2025 оны 2-р улирлын байдлаар нийт 178102 санал, хүсэлт бүр… 2025/04/03
Б.Нандинболор: Хоригдол С.Батдөл "Төр хурх" амралтын газар 50 хоног га… 2025/04/03
Н.Учрал: Ард түмний нулимсаар мөнгө хийдэг 110 агент ажилладаг Өчигдөр
Баялгийн сангийн тухай баялаг бүтээгчид юу ярив? Өчигдөр
Ерөнхий сайд Л.Оюун-Эрдэнэ Монгол Улсыг хөгжүүлэх үндсэн чиглэл, Засги… 2025/03/28
​14 жилийн өмнө "ЭЛЭГ" шилжүүлэн суулгуулж П.Батчулуун эмчийн ачаар да… 2025/03/28
Э.БАТШУГАР APPIAN CAPITAL ХӨРӨНГӨ ОРУУЛАЛТЫН САНГИЙН ҮҮСГЭН БАЙГУУЛАГЧ… 2025/03/28
Мөрийтэй тоглоомын эсрэг хуулийн өөрчлөлтүүдийг яаралтай горимоор хэлэ… 2025/03/26
Зөвшөөрөл олгох, сунгах, түдгэлзүүлэх, сэргээх, хүчингүй болгох шийдвэ… 2025/03/26
Экспортын орлого өмнөх долоо хоногийнхоос есөн хувиар өсчээ 2025/03/26
Сэлбэ дэд төв анхны жишиг “20 минутын хот” болно 2025/03/26