Онцгой байдлын хэлтсээс "Сэрэмжтэй шинэлцгээе" нэгдсэн арга хэмжээг зохион байгуулж байна

Баянгол дүүргийн Засаг даргын 2025 оны 02 дугаар сарын 12-ны өдрийн А/166 дугаар захирамжийн хүрээнд дүүргийн Онцгой байдлын хэлтсээс сар шинийн баяр болох гэж буйтай холбогдуулан иргэдийг гал түймрийн аюул, угаарын хийн хордлогоос урьдчилан сэргийлэх, сэрэмжлүүлэх мэдээ, мэдээлэл олгох "Сэрэмжтэй шинэлцгээе" нэгдсэн арга хэмжээг зохион байгуулж байна.

“Сэрэмжтэй шинэлцгээе" нэгдсэн арга хэмжээ өнөөдөр дүүргийн 6 дугаар хороо, И-март худалдааны төвийн гадна талбайд болж буй бөгөөд энэ сарын 14-өөс 28-ны өдрийг дуустал 14 хоногийн хугацаанд дүүргийн нутаг дэвсгэрт үйл ажиллагаа явуулдаг томоохон зах, худалдааны төвүүдээр зохион байгуулагдах юм.