Өнөөдөр УИХ-ын хаврын чуулганы нээлтийн дараа УИХ-ын гишүүн Л.Мөнхбаясгалан сэтгүүлчдэд хандаж 2, жилийн турш эрэн сурвалжлах нэвтрүүлэг мэдээлэл бэлтгэсний дотор 15 жил цуглуулсан Ухаан худагийн баримтуудыг дэлгэж байгаагаа дурьдлаа. 

Эдгээр баримтууд дотор: Оюу толгой, Тавантолгой, Энержи ресурс, Ухаа худаг, Эрдэнэтийн 49 хувь, МАК, Төрийн банк болон бусад банкуудын хувьчлалтай холбоотой баримтууд байгаа аж.  дурьдлаа. 

Л.Мөнхбаясгалан: Хэдхэн хоногийн өмнө Энержи ресурс компани Ухаа худагийг "луйвраар" авсан талаар Засгийн газраас мэдэгдээд, УИХ руу тогтоолын төслийг ХЗДХ-ийн сайд О.Алтангэрэлээр ахлуулсан ажлын хэсэг оруулсан байгаа. Би удаа дараа энэ хулгай луйврыг илчилж байсан учраас би өнөөдрөөс эхлэн УИХ-ын хянан шалгах дэд хороог манлайлж ажиллах болно. Миний баримтууд бол сэтгүүлчийн хүрээнд ажилласан баримтууд, харин одоо надад мэдээлэл нээлттэй болсон учраас УИХ-ын хянан шалгах эрх мэдлийг хэрэгжүүлэхийн төлөө Говийн ард түмнээ төлөөлөн ажиллах болно. 

32 гишүүн гарын үсэг зурснаар энэ ажил эхэлнэ, өнөөдрөөс би гарын үсгийг өөрийн сонгогдсон АН-ын гишүүдээсээ эхэлж цуглуулна. 

Өнөөдөр нэг шинэ баримт дэлгэнэ. "Энержи ресурс" ХХК 2009-2021 он хүртэл 12 жилийн хугацаанд илүү АМНАТ төлсөн гэдгээр Монгол улсын Засгийн газрын тогтоолыг хүчингүй болгохоор шүүхэд өгсөн. Тус компани хуулийн дээгүүр гишгэлж Монгол улсаас 209,6 тэрбум төгрөгийг нэхэмжилж байгаа. Гэтэл Монгол улсын нутаг дэвсгэрт үйл ажиллагаа явуулж байгаа нүүрс олборлолт, тээвэрлэлтийн бүх компани АМНАТ төлдөг. Ганцхан Энержи ресурст энэ тогтоол шийдвэр хамаагүй гэж тэд үзэж байна. Яагаад гэвэл 2033он хүртэл Засгийн газартай байгуулсан тогтвортой байдлын гэрээ, гэрчилгээ гэж байх ёстой тэрийг бидэнд харуулж, энэ компанид ямар нөхцөлтэй гэдгээ харуулахыг шаардаж байна.