​Улаанбурхан өвчний халдвартай 93 хүний тохиолдол батлагдлаа

ХӨСҮТ: Өнөөдрийн байдлаар нийт улаанбурхан өвчний лабораториор батлагдсан 93 тохиолдол бүртгэгдлээ.  Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин гэдгийг эмч мэргэжилтнүүд анхааруулж байна. 

Улаанбурхан өвчний тохиолдлууд ихэвчлэн ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой.

Улаанбурханы эсрэг товлолт вакцинд 9 сартай болон хоёр настайд бүрэн хамруулсан эсэхийг тодруулах, товлолын дагуу улаанбурханы эсрэг вакцины хоёр тунд хамрагдаагүй бол өрх, сумын эрүүл мэндийн төвд хандан улаанбурханы эсрэг вакцинд нөхөж хамруулахыг эрүүл мэндийн байгууллагаас зөвлөж байна.