​14 жилийн өмнө "ЭЛЭГ" шилжүүлэн суулгуулж П.Батчулуун эмчийн ачаар дахин амьдарсан

"Эрхтэн шилжүүлэн суулгуулагсдын холбоо" ТББ-аас өнөөдөр мэдээлэл хийлээ. 

Манай эмч нар эрхтэн шилжүүлэх суулгах мэс заслыг маш сайн, өндөр түвшин хийдэг. Тэднийг яг хажуугаас нь харвал түргэн шуурхай цаг минуттай уралдаж байдаг. Мөн тоног төхөөрөмжийн хувьд маш сайн. Бид эмчээ аврах гээд гарын үсэг цуглуулж, гадуур хөөцөлдөж л байна. Донороо хүлээж буй олон хүнд өвчтөнүүд байдаг. Эрхтэн шилжүүлэн суулгах мэс заслын эрэлт жилээс жилд нэмэгдсэн. Монгол Улсын хувьд 2006 онд байнгын диализ эмчилгээ эхлэхэд 40 гаруйхан хүн байсан. 2020 онд энэ тоо 1200, 2025 онд 2980 болж өссөн. Эдгээрийн 695 нь бөөр хүлээх жагсаалтад, 400 гаруй хүн нь элэг хүлээх жагсаалтад байгаа. Энэ хэрээр эрхтэн шилжүүлэх мэс заслын эрэлт жилээс жилд нэмэгдэж байна. Сүүлийн 30 жилийн турш манай эмч нар энэхүү хагалгааг амжилттай хийж ирсэн талаар тэд мэдээлэлдээ дурьдлаа. 

Мөн иргэн Б.Мөнхжаргал" Би элэг шилжүүлэн суулгуулах мэс заслыг анх хийлгүүлсэн өвчтөний нэг. Одоогоос 14 жилийн өмнө элгээ солиулж байсан. Би охиныхоо элэгний 70 хувийг тайруулж авсан юм. П.Батчулуун эмчийн ачаар би дахин амьдарсан. Тэр хүн олон хүмүүсийн амь насыг аварсан. Ийм хүн шоронд байх ёсгүй. Донор болж, хүний амь аварсан талийгаачийн ар гэрийнхэнд нөхөн олговор өгөх хэрэгтэй. Тэгээд мөн хуулиа ч сайжруулах хэрэгтэй байна. Гэхдээ юуны өмнө П.Батчулуун эмчийг суллах хэрэгтэй. Бид тэр хүний өмнө өртэй тул, өмгөөлж хамгаалах ёстой" гэлээ.