Баянгол дүүргийн нийтийн эзэмшлийн зам талбайд байршуулсан 256 ТҮЦ-ийг нүүлгэн шилжүүлж, 126 тонн хог хаягдал тээвэрлэлээ

                  Баянгол дүүргийн Менежерийн шуурхай хуралдаан өнөөдөр (2025.04.23) болж, дүүргийн менежер Ж.Баатар удирдан явууллаа.  
Шуурхай зөвлөгөөнөөр Нөөцийн махны өргөтгөсөн худалдаа, ил задгай худалдаа үйлчилгээг цэгцлэх, ТҮЦ-ийг нүүлгэж нийтийн эзэмшлийн талбайг чөлөөлөх, ТҮЦ, гарааш чөлөөлсөн талбайд цэвэрлэгээ ариутгал, нохой муур барих ажил, “Манай МӨХ-г авраач төсөл”, 2025 онд цахилгаан шугам, сүлжээний засвар, шинэчлэлийн ажлын талаар холбогдох хэлтсүүдээс мэдээлэл өглөө.
Тухайлбал, Нийслэлийн Засаг даргын 2025 оны 02-р сарын 14-ний өдрийн А/237 захирамж, дүүргийн Засаг даргын 2025 оны 04-р сарын 08-ны өдрийн А/161 захирамжийн хүрээнд дөрөвдүгээр сарын 09-23-ны өдрүүдэд нийтийн эзэмшлийн гудамж талбайд байршуулсан ТҮЦ-үүдийг нүүлгэсэн талбайд дүүргийн зам талбайн цэвэрлэгээний байгууллагууд үе шаттай ариутгал халдваргүйтгэл, цэвэрлэгээний ажлыг хийж байна.
Тодруулбал, дээрх хугацаанд,

• 256 ТҮЦ нүүлгэн шилжүүлсэн,
• 5,658м.кв талбайд цэвэрлэгээ, ариутгалгүйтгэл хийсэн,
• Нийт 126 тонн хог хаягдалд тээвэрлэн ажилласан байна.

Шуурхай зөвлөгөөний үеэр дүүргийн менежер Ж.Баатар дараах үүрэг даалгаврыг өглөө. Үүнд:  

• Нийтийн эзэмшлийн гудамж талбайн болон автобусны буудлын засварлах боломжгүй хогийн савыг “Баянгол цэцэрлэгт хүрээлэн”-д хүлээлгэж өгөх,
• Хариуцсан гудамж зам талбайн хайс хашлагыг будаж засварлах гудамжны байршлыг гаргах,
• 20-р хорооны газар нутагт V цахилгаан станц барихтай холбоотойгоор цэвэрлэгээ хийх,
• 20, 29-р хорооны хилийн зааг сувгуудад цэвэрлэгээ хийх,
• Тоглоомын талбайн засварын ажлыг эхлүүлэх, тайлан мэдээ ирүүлэх,
• Ил задгай худалдаа үйлчилгээг цэгцлэх захирамжийг худалдаа үйлчилгээ эрхлэгчдэд танилцуулах, цэгцэлсний дараа арчилгаа, тохижилтын ажлыг хийх,
• Нийтийн эзэмшлийн зам талбайн явган хүний орц, гарцыг хааж тээврийн хэрэгсэлтэй худалдаа үйлчилгээ эрхэлж буй худалдаа эрхлэгч нарын мэдээлэл болон тээврийн хэрэгслийн мэдээллийг дүүргийн Замын цагдаагийн хэлтэст мэдээлэх
• ТҮЦ-үүдийг нүүлгэн шилжүүлж байгаатай холбоотойгоор холбогдох хэлтсүүд хамтран хороо бүрд ТҮЦ ажиллуулж байсан иргэдтэй уулзалт зохион байгуулах, дүүрэгт үйл ажиллагаа явуулдаг ААНБ-уудаас ажлын байрны судалгаа авч санал болгох,   
• Нөөцийн махны өргөтгөсөн худалдааг зохион байгуулж байгаатай холбоотойгоор бэлтгэн нийлүүлэгчдээс ирж буй мах, борлуулагдаж буй тоо, үлдэгдлийг нягтлах, хяналтыг сайжруулах,
• Хоол үйлдвэрлэл явуулж байгаа бүх үйлчилгээний газар, ААНБ-уудыг уураар угааж ариутгах зориулалттай, автомат угаагч хэрэгжлүүлэх чиглэлээр гарсан зөвлөмжийг хүргэж ажиллах,