Баянгол дүүргийн Засаг дарга тэргүүтэй төлөөлөгчид БНСУ-ын Сондун дүүрэгт ажиллалаа

БНСУ-ын Сөүл хотын Сондун дүүрэгт Нийслэлийн Баянгол дүүргийн Засаг дарга Ө.Сумъяабаатараар ахлуулсан зочид төлөөлөгчид албан ёсны айлчлал 2025 оны 03 дугаар сарын 25-28 өдрүүдэд хийлээ. Сондун дүүргийн захирагч Жон Вон У болон удирдлагын багийн хамт олон хүлээн авч уулзаж, цаашид хамтын ажиллагаагаа хэрхэн өргөжүүлэх талаар санал солилцлоо.
Тухайлбал,

• Баянгол дүүргийн жижиг, дунд, үйлдвэр үйлчилгээ эрхлэгчдийг дэмжих зорилгоор “Монголд үйлдвэрлэв” экспо арга хэмжээг ирэх намар Сондун дүүрэгтэй хамтран Ваншимни зогсоол дээр зохион байгуулах
• Дүүргийн ногоон байгууламжийг нэмэгдүүлэх ажлын хүрээнд барилга доторх ногоон байгууламж, гадна талбайн ногоон байгууламжийг нэмэгдүүлэх талаарх туршлагаас судлах
• Төрийн албан хаагчдыг харилцан туршлага солилцох,
• Сондун дүүрэгт хэрэгжүүлж буй +50 ахмадын хөтөлбөр, ахмад настны ухаалаг эрүүл мэндийн төв, хүүхдийн хөгжлийн хөтөлбөр зэрэг олон ажил хийж хэрэгжүүлэхээр боллоо.

Баянгол дүүрэг нь Сөүл хотын Сондун дүүрэгтэй хамтын ажиллагаагаа эхлүүлээд долоон жил болж буй бөгөөд ухаалаг хот, ногоон байгууламж, боловсролын салбарт төсөл хөтөлбөрүүдийг хамтран хэрэгжүүлж, хамтын ажиллагааг бэхжүүлсээр ирсэн юм.