БАЯНГОЛ ДҮҮРГИЙН НИЙГМИЙН САЛБАРЫН УДИРДАХ АЖИЛТНУУДЫН ШУУРХАЙ ЗӨВЛӨГӨӨН БОЛЛОО

Баянгол дүүргийн нийгмийн салбарын Удирдах ажилтнуудын шуурхай зөвлөгөөн болж дүүргийн Засаг даргын орлогч Д.Мөнхбаатар удирдан явууллаа. Шуурхай зөвлөгөөнд эрүүл мэнд, нийгмийн салбарын чиглэлээр үйл ажиллагаа явуулдаг төрийн байгууллагуудын удирдлагууд болон ерөнхий боловсролын сургуулийн захирал, цэцэрлэгийн эрхлэгч нар оролцоо.
Нийгмийн ажилтнуудын шуурхай зөвлөгөөнөөр дүүргийн ЗДТГ-ын НХХ-ээс Нийгмийн салбарын хамтын ажиллагааг хэрхэн сайжруулах талаар, дүүргийн Боловсролын хэлтсээс “Баянгол Боловсрол” арга хэмжээ, сурагчдын бие даалтын 7 хоногийн төлөвлөлтийн талаар, дүүргийн ХХҮХ-ээс Хөдөлмөрийн аюулгүй байдал, эрүүл ахуйн сарын аян зохион байгуулах тухай, дүүргийн Эрүүл мэндийн төвөөс Улаан бурхан өвчний дэгдэлтийн талаар, дүүргийн ХГБХХ-ээс эрсдэлт нөхцөлд байгаа хүүхдийн хөгжил, хамгааллын асуудлаар , дүүргийн НТСТ-өөс “Суралцагч хот” буюу ЮНЕСКО-ийн Суралцагч хотуудын сүлжээнд нэгдэх зэрэг асуудлаар цаг үеийн мэдээлэл өглөө.
Шуурхай зөвлөгөөний төгсгөлд дүүргийн Засаг даргын орлогч Д.Мөнхбаатар дараах үүрэг даалгаврыг өглөө. Үүнд:

• Сурагчдын бие даалтын болон улирлын амралтын 7 хоногт хүүхдийн аюулгүй байдал, болзошгүй эрсдэлээс урьдчилан сэргийлэх арга хэмжээ авч ажиллах,
• Ерөнхий боловсролын сургууль, цэцэрлэгүүд “Тусгаар тогтнол” өдөрлөгийг дүүргийн хэмжээнд зохион байгуулах,
• Номын сангийн үйл ажиллагаагаа өргөжүүлэх, иргэдэд сурталчлах,
• Хөдөлмөрийн аюулгүй байдал, эрүүл ахуйн сарын аяны хүрээнд боловсролын байгууллагын холбогдох албан хаагчийг ХАБЭА-сургалтад бүрэн хамруулах
• “Суралцагч хот” буюу ЮНЕСКО-ийн Суралцагч хотуудын сүлжээнд нэгдэх асуудлыг Засаг даргын Зөвлөлийн хуралд танилцуулах
• Халдварт өвчний дэгдэлттэй холбоотой цаг үеийн мэдээ мэдээллийг 7 хоног бүр холбогдох хэлтсүүдэд мэдээлж байхыг үүрэг болголоо.