Ерөнхий боловсролын 28 болон 141-р сургуульд “Монгол хүний ЭРДЭМ” цогц хөтөлбөрийг хэрэгжүүлнэ

Баянгол дүүргийн ИТХ, дүүргийн ЗДТГ, “Тогло Инээ Сур” ТББ хамтран хүүхдийн хүмүүжил төлөвшил, нийгэмшихүйн хөгжлийг дэмжих “Монгол хүний ЭРДЭМ” хөтөлбөрийг хэрэгжүүлэхэр болсон бөгөөд өнөөдөр нээлтээ хийлээ.

Ерөнхий боловсролын сурагчдын нийгэмшихүйн хөгжлийг дэмжих, тэднийг харилцааны ур чадвар, хамтын ажиллагаа, өөртөө итгэх итгэлтэй болгож төлөвшүүлэх зорилготой “Монгол хүний ЭРДЭМ” цогц хөтөлбөрийг Нийслэлийн ерөнхий боловсролын 28 болон 141-р сургуульд 2025 оны 6-р сарын 10-ны өдрийг хүртэл хэрэгжүүлэх бөгөөд сургуулийн удирдлага, багш, эцэг эх, сурагчдыг хамруулан, олон талт сургалт, үйл ажиллагаа зохион байгуулах цаашлаад сургуулийн орчин дахь эерэг уур амьсгалыг бүрдүүлж, сурагчдын хамт олонч, хариуцлагатай, идэвхтэй оролцоотой байх нөхцөлийг бий болгох юм.

Тодруулбал, тус хөтөлбөр хэрэгжсэнээр:
• Сурагчдын бие даан суралцах, хүсэл мөрөөдөлтэй байх, багаар ажиллах, бүтээлч сэтгэлгээг хөгжүүлэх,
• Багш, ажилчдын нийгэмшихүйн цогц арга зүйг хэрэгжүүлэх, сурагчдын хөгжилд хувь нэмэр оруулах шинэ арга барил эзэмшүүлэх,
• Эцэг эхчүүдэд хүүхдийн хүмүүжилд зөв оролцох, эцэг эхийн зөвлөлийн үр нөлөөг нэмэгдүүлэх гэсэн чиглэлээр “Нэг анги–Нэг баг” тоглоомын арга зүй, EQ буюу сэтгэл хөдлөлийн оюун ухаан хөгжүүлэх аргачлал зэрэг шинэлэг арга барилаар хэрэгжүүлэх юм. Хөтөлбөрийн нээлтэд, дүүргийн Боловсролын хэлтсийн дарга Б.Пүрэвжал, Дүүргийн Иргэдийн төлөөлөгчдийн хурлын төлөөлөгч Д.Мөнхжаргал, Ө.Батчимэг, Л.Алтанцэцэг, Ж.Батзаяа, Ш.Мөнгөнтуяа, Н.Энхчимэг, Г.Баянжаргал, Л.Алтантуяа, Б.Дуламрагчаа болон “Тогло, Инээ, Сур” ТББ-ийн тэргүүн Д.Наранцэцэг, гүйцэтгэх захирал Ш.Насанбурмаа нар оролцлоо.