Д.Амарбаясгалан: Хулгай биш, зарчим ярьдаг учраас журмын нөхөд минь намайг дэмждэг юм
УИХ-ын дарга Д.Амарбаясгалан өнөөдөр сэтгүүлчдэд мэдээлэл хийлээ. Түүнийг Лхагвын тойм нэвтрүүлгийн үеэр Хууль зүйн сайд асан Б.Энхбаяр хэд хэдэн хэрэгт холбоотой талаар ярьсан юм. УИХ-ын даргын хувиар тэрээр энэ асуудлуудын талаар сэтгүүлчдийн асуулдтад нээлттэй хариуллаа. Түүний хэвлэлийн бага хурлаас онцлох зарим өгүүлбэрүүдийг хүргэж байна.
1. Нүүрсний асуудлыг надруу чиглүүлэх сценарийг Б.Энхбаяр бичсэн. Лхагвын тойм нэвтрүүлгээр ярьсан зүйл бүгд худлаа.
2. Г.Занданшатар даргатай би намын даргын асуудлаар 3 удаа уулзсан. Надад хүлээж авах боломжгүй санал тавьсан. Хосолсон даргатай нам байя гэдэг санал тавьсан. Зэрэгцэж нам удирдана гэж юу гэсэн вэ!
3. Надтай хамтарч ажиллаж байсан бизнес хийдэг залуусыг удаа дараалан дуудаж байцааж байна. Бизнесийнхнийг ийм дарамтад оруулж байна.
4. МАН-ын даргын асуудлыг энэ бямба гарагт нэг мөсөн эцэслэн шийдэх ёстой. Тэгэхгүй бол золиос нь ард олон болоод, намаараа хэрэлдээд, энэ хэрүүл нь нийгмийн зовлон болоод, манай нам нийгэмд үзэн ядагдаж байна.
5. Д.Амарбаясгалан: МАН-ын хагарал Г.Занданшатар, Я.Содбаатар, Б.Батцэцэг, Ж.Энхбаяр, Б.Энхбаяр нар хов зөөснөөс болсон
6. Д.Амарбаясгалан: Б.Энхбаяр "Намайг түүнийг сонгуульд нэр дэвшүүлэхгүй гэсэн" гэх. Харин ч Б.Энхбаярыг "Зөв хүн электрот" эвслээс нэр дэвших гэж байхад нь би У.Хүрэлсүх даргатай уулзуулж нэр дэвших боломж олгож байсан
Ямартаа ч МАН-ын даргын сунгаанд нэр дэвшигч талууд өдөр ирэх тусам хүчтэй мэдэгдэл, хэвлэлийн хурлуудыг зарлаж байна. Олон нийт тэднийг хоорондоо мэтгэлцэх хэрэгтэй ч гэсэн байр суурийг илэрхийлж байна. Эцсийн мөчид энэ сарын 27 буюу бямба гарагт МАН-ын бага хурлын төлөөлөгчид намын даргын асуудлаа эцэслэн шийдэх юм.
