Д.Амарбаясгалан: Ерөнхий сайд Г.Занданшатарт хандаж хэлэхэд хоёулаа хамт огцоръё

ӨнөөдөрУИХ-ын дарга Д.Амарбаясгалан чөлөөлөгдөх хүсэлтээ УИХ-д гаргалаа. Төрийн гацааг гаргах үүднээс ийм шийдвэр гаргажээ. Энэ хүсэлтээ гаргасныхаа дараа тэр үргэлжлүүлэн хэвлэлийн хурал зарлаж, ямар учраас ийм шийдэлд хүрч байгаагаа мэдээлж, сэтгүүлчдийн асуултад хариулсан юм. 

1-рт Нүүрсний хулгайтай намайг удаа дараалан шүүхийн шийдвэр гараагүй байхад холбож, шийдвэр гараагүй асуудлаар ажлаа өгөхийг шахсан. 

2-рт Монголын төрийг тодорхой бизнес, улс төрийн бүлэглэл барьж, энэ шахаанд байна. Үүнийг цэгцлэхийн тулд ажлаа өгч, шалгуулж байгаад илүү хүчтэй тэмцэх ёстойгоо ойлголоо хэмээн хэлэв. 

 3-рт Ерөнхий сайд Г.Занданшатар огцорвол та Ерөнхий сайд болох уу? гэсэн асуултын хүрээнд МАН-ын бага хурал болон их хурлын шийдвэрээр шийдэх асуудал хэмээн хариуллаа. Үзэл бодол зөрүүтэй байсан ч олонхын зарчмаар шийднэ. Олонхын шийдвэрийг хүндэтгэнэ. Түүнээс биш хүн бүрийн хүслээр асуудал шийдэхгүй, энэ зарчмаар асуудалд хандана гэж мэдэгдлээ. 

Д.Амарбаясгалан: Засгийн газрыг огцруулах асуудал, УИХ-ын даргаас өөрийн хүсэлтээр чөлөөлөгдөх асуудлуудыг УИХ-ын чуулганаар хэлэлцэж шийдсэний дараа бусад асуудлыг МАН дотроо шийднэ. АН-аас болон бусад улс төрийн намуудаас тавьсан шаардлагыг хүндэтгэн хүлээн авч байна гэж тэр хэлсэн юм.