CNN, “Фулхэм” хөлбөмбөгийн клуб зэрэг байгууллагуудтай хийсэн гэрээний санхүүгийн эх үүсвэр зэрэгт хяналт шалгалт хийнэ
Монгол улсыг Олон улсад сурталчлах ажлын хүрээнд байгуулсан гэрээний хэрэгжилтэд хяналт, шалгалт хийж, Засгийн газар дахь "Хяналтын тухай" хуулийн дагуу олон нийтэд нээлттэй мэдээлэхээр болжээ.
Засгийн газрын Хяналт хэрэгжүүлэх газраас Монгол Улсыг олон улсад сурталчлах ажлын хүрээнд байгуулсан зарим гэрээний хэрэгжилт, үр дүн, хууль тогтоомжийн нийцэлд хяналт шалгалт хийх ажлын хэсэг өнгөрсөн долоо хоногт байгуулагджээ. Тус ажлын хэсэг “Эдэлман Сингапур” компани, АНУ-ын “Си Эн Эн” агентлаг, ИБУИНХУ-ын “Фулхэм” хөлбөмбөгийн клубтэй байгуулсан гэрээ, хамтын ажиллагааны хэрэгжилт, үр дүн, болоод эдгээр байгууллагуудтай байгуулсан шийдвэр, зардлын эх үүсвэр, зарцуулалт, худалдан авалт, санхүүгийн тайлангийн хууль, тогтоомжийн нийцэл зэргийг шалгах юм байна.
