Найз бүсгүйгээ машинаар дайрч амь насыг нь хөнөөсөн Э.Баярсайханд 3 жилийн хорих ял оноолоо

Найз залуудаа машинд дайруулснаас бол өдгөө ертөнцийн мөнх бусыг үзүүлээд буй талийгчийн ар гэрийнхэнд ямар байгаа бол... Найз бүсгүйгээ тэнгэрийн оронд одоход хүргэсэн найз залуу гэх Э.Баярсайханы анхан шатны шүүх хурал өнөөдөр болж шүүхээс 3 жилийн хорих ялаар шийтгүүллээ. 

2024 оны тавдугаар сарын 4-нд 25 настай Э.Баярсайхан 21 настай найз бүсгүйгээ гэрийнхээ гадна машинаараа дайрч, хүндээр гэмтээсэн байдаг. Гэвч түүнийг эмнэлэгт хүргээгүй. Бүсгүй амь тэнцэн түргэн дуудаж өгөхийг хүссэн ч “Битгий баашлаад бай” хэмээн нэмж зодсон гэж ар гэрийнхэн нь одоог хүртэл ярьдаг аж. Бүсгүй өөрөө хамгийн сүүлд эмнэлэгт байхдаа найзтайгаа ярьсан харилцан яриандаа ч нотлон хэлсэн. Ингээд эмнэлгийн тусламж яаралтай үзүүлэлгүй цаг алдан 2024 оны тавдугаар сарын 5-ны өдрийн үдээс хойш эмнэлэгт очсон байдаг. 20 хоног ГССҮТ-д хэвтэн, найман удаагийн хагалгаа хийлгэж, цөсөө тайруулж, ходоодоо тайруулж, ташаагаа хадуулсан. Гэвч өвчнөө даалгүй 2024 оны тавдугаар сарын 25-ны өдөр таалал төгссөн юм.