Ерөнхий сайд Г.Занданшатар: 10 хилийн боомтод хилийн зурвас дагуу газар олгож, хилийн тухай болон бусад хуулийг зөрчсөн байна

Газар эзэмших, ашиглах иргэн, аж ахуйн нэгжийн хүсэлтийг орон нутаг өөрөө шийдвэрлэнэ

Иргэн ААН-ийн газар эзэмших, ашиглах хүсэлтийг Засгийн газар шийдвэрлэж иргэдийг хүлээлгэдэг байх нь зохимжгүй гэж Ерөнхий сайд Г.Занданшатар үзсэн. Иймээс газар олгох эрхийг орон нутагт шилжүүлэхээр Засгийн газрын хуралдаанаас шийдвэрлэлээ.

Энэ онд нийслэл, 21 аймагт 35 мянга гаруй иргэн ААН-д газар олгох жагсаалт баталж, ирсэн хүсэлтийг шуурхай шийдвэрлэж ажиллахыг аймаг, сум, нийслэл, дүүргийн Засаг дарга нарт үүрэг болголоо.
Ингэснээр газар олголт цэгцэрч, иргэд ААН-үүд түргэн шуурхай, хүндрэл чирэгдэлгүйгээр газар эзэмших боломжтой болж байна. Орон нутгийн иргэдээс хамгийн их ирдэг гомдол нь газар олголттой холбоотой гомдлууд байсныг ийнхүү шийдвэрлэлээ. 

Мөн өнөөдрийн Засгийн газрын хурлын үеэр Ерөнхий сайд Г.Занданшатар: 10 хилийн боомтод хилийн зурвас дагуу газар олгож, хилийн тухай болон бусад хуулийг зөрчсөн тухай мэдээллийг өглөө. Дараах видеоноос дэлгэрэнгүй мэдээллийг үзнэ үү.