​Архангай аймагт ЕБС-ийн сурагчид нэгнийгээ зодож, гэмтээсэн хэрэг гарчээ

Архангай аймгийн Цагдаагийн газраас тус мэдээллийг энэ сарын 24-ний өдөр бүртгэлд авч, шалгалтын ажиллагааг эхлүүлсэн байна. Урьдчилсан байдлаар Хайрхан сумын ЕБС-ийн 9 болон 11 дүгээр ангийн сурагчид болох Б, Д нар нь хоорондоо үл ойлголцсоны улмаас маргалдаж, улмаар нэгнийхээ биед гэмтэл учруулсан нөхцөл байдал тогтоогджээ.

Одоогоор насанд хүрээгүй хохирогч Б-г хамгаалалтад авч, түр хамгаалах байранд хүргээд байна. Цагдаагийн байгууллагаас хэргийг үргэлжлүүлэн шалгаж байгаа бөгөөд эцэг эх, асран хамгаалагчдыг хүүхдийнхээ хүмүүжил, үе тэнгийнхний харилцаанд анхаарал хандуулахыг зөвлөлөө.