Kobe Bryant-ийн охин Natalia Bryant "Victoria’s Secret Fashion Show 2026"-д онцлох хүмүүсийн нэг байлаа
"Victoria’s Secret Fashion Show 2026" арга хэмжээ 10-р сарын 18-нд Лос Анжелес хотноо боллоо. Өмнөх хоёр жил Нью-Йорк хотод болж байсан бол энэ удаа баруун эргийн хотод анх удаа зохион байгуулж байгаа бөгөөд зөвхөн эмэгтэй уран бүтээлчдийг оролцуулсан гэдгээрээ онцлогтой болжээ.
Megan Moroney, Megan Thee Stallion, Tate McRae, KATSEYE зэрэг хамтлаг, дуучид үзүүлбэрээ үзүүллээ. Харин гол загвар өмсөгчдийн жагсаалтад Gigi Hadid, Alex Consani, Paloma Elsesser, Abby Champion нар багтсан байна. Энэ шоуны нэг онцлох хэсэг нь Натали Брайант (Natalia Bryant) буюу Коби Брайант болон Ванесса Брайант нарын ууган охин байлаа.
Тэрээр 2023 оны 9-р сард Милан хотын загварын долоо хоногт Versace-ийн 2024 оны хавар-зуны шоунд анх удаа тайзнаа гарч байсан. 2024 онд Victoria’s Secret PINK-ийн хаврын сурталчилгааны нүүр царай болсон бөгөөд багаасаа энэ шоуг сонирхон үздэг байсан тухайгаа ярьжээ.
