“BITCOIN”-ийн ханш $68,000 болж түүхэн дээд түвшинд дөхөөд байна

Крипто зах зээлд хөшүүрэг эргэн нэмэгдэж, “Bitcoin”-ийн ханш сүүлийн хоёр жил гаруйн хугацаанд анх удаа 68 мянган ам.доллар хүрлээ

“Bitcoin”-ийн биржээр арилжаалагддаг сангууд хөрөнгө оруулагчдыг татаж, “Bitcoin”-ийн ханш гурав дахь өдрөө дараалан өсөж, 68 мянган ам.доллар болоод байна. 2021 оны 11 дүгээр сард 68,990 ам.доллар буюу түүхэн дээд түвшинд хүрч байсан юм.

“Bitcoin”-ийн ханш сүүлийн 12 сарын хугацаанд ойролцоогоор 186 хувиар, он гарсаар 60 орчим хувиар өссөн үзүүлэлттэй байна.

Нэгдүгээр сарын 11-нд арилжаа нь эхэлсэн АНУ-ын “Bitcoin”-ийн “ETF” (Exchange-Traded Fund)-үүдийн эрэлт их байгаатай холбоотойгоор үнэ нь ийнхүү өсөөд байгаа юм. Эдгээр биржээр арилжаалагддаг сангууд арилжаалагдаж эхэлснээсээ хойш 7.35 тэрбум ам.долларын хөрөнгө оруулалт татаад байгаа аж.

“Bitcoin”-ийн өсөлтийг дагаад “Ether”, “Solana” зэрэг жижиг токенүүд мөн өсөхөөр байна