Үнэ төлбөргүй ДАВТЛАГА хичээлийн сайт нээгджээ 

Программ хангамжийн инженер мэргэжилтэй Б.Болд-Эрдэнэ өөрийнхөө охины хичээлийг давтуулах санаачлага дээрээ үндэслэн 1-3 дугаар ангийн сурагчдад үнэгүй давтлага хичээл өгөх сайтаа нээжээ. Түүний ярьснаар хүүхэд бүр ижил тэгш эрхтэйгээр боловсрол эзэмших ёстой учраас зөвхөн өөрийнхөө хүүхдэд биш бусад хүүхдүүдэд ч гэсэн энэ боломжийг олгох ёстой гэж үзээд  Blesson.bbe.mn  сайтыг нээсэн байна. 

Тус сайтад одоогоор өдөрт тогтмол 500-1000 сурагч, эцэг эх холбогдож давлага хичээлийг үнэ төлбөргүй авдаг бол оргил үедээ өдөрт 16 мянган хандалт авч байжээ. Энэ жилдээ дахин нэмэлтээр сайтаа хөгжүүл 2025 он гэхэд 4 дүгээр ангийн давтлагыг нэмж оруулах төлөвлөгөөтэй ажиллаж байгаа юм байна.