О.Самданпүрэв: Монгол хаан жүжигт 1 жил бэлдэж тайзнаа гарч байна
Ардын уран зохиолч Бавуугийн Лхагвасүрэнгийн бичсэн, 3 бүлэг 6 үзэгдэлтэй эмгэнэлт драмын жүжиг болох Тамгагүй төрийг HERO entertainment, найруулагч Б.Баатарын найруулснаар үзэгчид дахин өөр өнцгөөр хүлээн аваад буй. Тус жүжиг өдгөө Монгол хаан нэрээр олон улсад тоглогдож эхлээд байгаа. Лондонд амжилттай тоглосон Монгол хаан жүжиг 10 дугаар сард Сингапурт тоглоно.
Үүний өмнө Монголын үзэгчдэд дахин толилуулахдаа жүжигчдийн бүрэлдэхүүнд өөрчлөлт оруулж хан хүү Хүчирийн дүрд залуу жүжигчин О.Самданпүрэв тайзнаа гарч эхэлсэн.
Энэ талаар сошиэл орчинд сонгуулийн сурталчилгаанд явсан бэлэг, жүжигчин Б.Шинэбаярын дүрийг булаасан гэх мэтээ буруу ташаа мэдээлэл цацагдаж буй. Тэгвэл УДЭТ-ын жүжигчин, СТА Б.Шинэбаяр нь "Тэнгэрийн хүү" жүжгийн гол дүрд тоглохоор болж, харин О.Самданпүрэв 2023 оноос Хүчирийн дүрд нэг жил бэлдэж өдгөө тайзнаа гарч байгаа талаараа мэдээлэл өглөө.
