НИТХ-ын даргыг томилох нууц санал хураалт эхэллээ

НИТХ-ын анхдугаар хуралдаан явагдаж байна. Хурлын эхэнд НИТХ-ын 45 төлөөлөгчийг хүлээн зөвшөөрсүгэй гэсэн тогтоолын төслийг дэмжиж, баталлаа. Энэ төслийг Нийслэлийн Сонгуулийн хорооны дарга П.Хадбаатар танилцуулсан юм. 

Өнөөдрийн хуралдаанаар НИТХ-ын даргыг сонгох юм. Үүний өмнө НИТХ дахь МАН-ын бүлгийн даргаар төлөөлөгч Д.Ихбаярыг томилохыг олонх дэмжсэн байна. Ингээд МАН-ын бүлэг 30 минутын завсарлага авч НИТХ-ын даргад А.Баярыг томилуулах асуудлыг танилцууллаа. Яг одоо тооллогын комисс байгуулагдаж, санал хураалтыг нууцаар хураах болон төлөөлөгчид хэрхэн санал өгөх талаар танилцуулж байна. Тооллогын комиссын даргаар Ү.Оюунзул ажиллаж байна.