Сэлбэ Ухаалаг хотод олон улсын хөтөлбөртэй ЕБС байгуулагдана

Admin
2026/10/07

БҮТЭЭН БАЙГУУЛАЛТ40 ГАРУЙ ХУВЬТАЙ ҮРГЭЛЖИЛЖ БАЙНА

• Төслийн ерөнхий гүйцэтгэл: Төслийн явц 40 гаруй хувийн гүйцэтгэлтэй үргэлжилж байна.

• Барилга угсралт ба фасад: Ихэнх барилгуудын каркас угсралт дуусаж, цонх, дулаалга, фасадаа хийж байна. Цонх суулгалт, гадна дулаалга болон фасадны ажлууд хийгдэж байна.

• Дотор ажил: Босоо шугам сүлжээ, салхивч, агааржуулалт, холбоо дохиоллын монтажийн ажлууд хийгдэж байна.

• Ажиллах хүч ба техник: Талбай дээр нийт 1500 орчим ажилтан (1,000 гаруй монгол, 400-500 гадаад мэргэжилтэн) болон 90 орчим машин механизм, техник хэрэгсэл идэвхтэй ажиллаж байна.

• Санхүүжилт ба гүйцэтгэл: Өмнө нь сард 20-30 тэрбум төгрөгийн гүйцэтгэл хийгддэг байсан бол энэ сард 170 орчим тэрбум төгрөгийн санхүүжилтийг барилга угсралтын компаниудад олгож, санхүүжилтийн эргэлтийг эрс эрчимжүүлжээ.

ӨВЛИЙН ТӨЛӨВЛӨГӨӨ БА АШИГЛАЛТАД ОРОХ ХУГАЦАА

• Өвөл засал хийнэ: Одоо гадна агаар сэрүүсэж байгаа тул яаралтай дулааны шугамаа холбож, өвөлжингөө барилгын дотор заслаа хийхээр төлөвлөж байна.

• Эхний ээлжийн ашиглалт: Эхний блокуудыг 2027 оны хавар (5, 6 дугаар сараас эхлэн) графикийн дагуу ашиглалтад оруулна.

• Бондын эргэн төлөлт ба хугацаа: Бондын санхүүжилтээр хийгдэж буй бүтээн байгуулалт тул хугацаа алдах тусам хүүгийн зардал өснө. Тиймээс цаг хугацаандаа чанартай ашиглалтад оруулахаар шахаж ажиллаж байна.

НЭЭЛТТЭЙ, ЦАХИМ ТӨСӨЛ

Ухаалаг хотын концепцын дагуу мэдээллийн нэгдсэн дата санг үүсгэж байна:

• 1 сарын дараа нийтэд нээлттэй цахим платформыг ашиглалтад оруулна.

• Иргэд болон шийдвэр гаргагчид заавал мэдээлэл хүлээх шаардлагагүйгээр вэб сайтаас төслийн ахиц, гүйцэтгэл, KPI болон санхүүгийн аудитын мэдээллийг бодит цагийн горимоор (Real-time) харах боломжтой болно.

АМЬДРАХ ТААТАЙ ОРЧИН, ИЖ БҮРЭН ТОХИЖИЛТ

Сэлбэ ухаалаг хот нь зөвхөн орон сууц биш:

1. Нийгмийн дэд бүтэц: Улсын сургууль, цэцэрлэг, худалдаа үйлчилгээний төвүүдийг цогцоор нь шийднэ.

2. Тохижилт: Явган болон дугуйн зам, ландшафт, зүлэгжүүлэлт, хүүхдийн тоглоомын талбай, авто зогсоолыг иж бүрнээр нь дуусгаж хүлээлгэн өгнө.

3. Эрчим хүчний эх үүсвэр: Сэлбэ болон Дамбын станцуудаас дулаанаа авч байгаа бөгөөд дараагийн эх үүсвэрүүдийн зураг төслийг боловсруулж байна.

Дүгнэлт: Сэлбэ ухаалаг хотын бүтээн байгуулалт гацаагүй, барилга угсралт болон инженерийн дэд бүтцийн ажлууд талбай дээр 24 цагаар идэвхтэй үргэлжилж байна.

Сэлбэ Ухаалаг хотод олон улсын хөтөлбөртэй ЕБС байгуулагдана

Өнгөрсөн амралтын өдрүүдээр Нийслэлийн Боловсролын газрын ажлын хэсэг "Сэлбэ ухаалаг хот" төслийн талбайд ажиллаж, тус бүсэд Олон улсын (Кембрижийн) хөтөлбөртэй Ерөнхий боловсролын сургууль (ЕБС) байгуулах бэлтгэл ажлыг албан ёсоор эхлүүллээ.

Олон улсын сургалтын шинэ жишиг

Өнөөдрийн байдлаар Улаанбаатар хотын хэмжээнд олон улсын хөтөлбөр дагнан хэрэгжүүлдэг төрийн өмчийн 3 сургууль үйл ажиллагаа явуулж байна. Энэхүү жишгээр "Сэлбэ ухаалаг хот"-ын 2.2 га талбайд 1260 хүүхдийн суудалтай олон улсын хөтөлбөртэй сургууль сүндэрлэх юм. Тус сургууль нь барилга архитектурын хийцлэл, сургалтын орчин үеийн тоноглол болон сургалтын хөтөлбөрөөрөө улсын хэмжээнд жишиг болох зорилго тавин ажиллаж байна.

Боловсролын дэд бүтцийн бүтээн байгуулалт ба ирээдүйн төлөвлөлт

"Сэлбэ ухаалаг хот" төслийн хүрээнд иргэдийн ажиллаж, амьдрах тав тухтай орчныг бүрдүүлэхээс гадна хүүхэд, залууст чанартай боловсрол эзэмших боломжийг гэрээсээ алхах зайд шийдвэрлэхийг чухалчилж байна.

• Нийслэлийн хөрөнгө оруулалттай 960 хүүхдийн сургууль: Барилга угсралтын ажил төслийн талбай дээр яг одоо үргэлжилж байна.

• Ирээдүйн сургуулийн сүлжээ: Шинээр баригдах олон улсын хөтөлбөртэй сургууль болон яг одоо баригдаж буй 960 хүүхдийн сургуулиас гадна Нийслэлийн хөрөнгө оруулалтаар дахин нэг сургууль баригдахаар төлөвлөгдсөн. Ингэснээр "Сэлбэ ухаалаг хот" нь төрийн өмчийн нийт 5 ЕБС-тай болно.




0
angry
0
care
0
haha
0
liked
0
love
0
sad
0
wow

EXIT NEWS
Төв банкны хуримтлагдсан алдагдлыг шийдвэрлэж, санхүүгийн бие даасан б… 2026/11/17
​Х.Нямбаатар: Тайвширч, хууртаж болохгүй 2026/11/17
Монгол Улсын Ерөнхийлөгч У.Хүрэлсүх: Би ажлаа хүлээлгэж өгөөд жирийн и… 2026/11/17
​Хууль зүй, Дотоод хэргийн дэд сайд ажлаас чөлөөлөгдөх хүсэлтээ өглөө  2026/11/17
СЭТГҮҮЛЧ Б.ДАВААХҮҮГИЙН ЦАГДАН ХОРИХ АРГА ХЭМЖЭЭГ ӨӨРЧЛӨХ ЭСЭХИЙГ БААС… 2026/11/17
УР АМЬСГАЛЫН ӨӨРЧЛӨЛТ МАЛЧДЫН ХҮНИЙ ЭРХЭД ХЭРХЭН НӨЛӨӨЛЖ БАЙГААГ СУДАЛ… 2026/11/17
Монгол Улсын Ерөнхийлөгчийн хувьд баялгийн өгөөжийг иргэн бүрд хүртээх… 2026/11/03
​ОЛОН УЛСАД ХҮЛЭЭН ЗӨВШӨӨРӨГДСӨН ХАРААТ БУС, ХӨНДЛӨНГИЙН АУДИТЫН АЖИЛ … 2026/10/29
Монголын Театрын музей 2026 оны 10 дугаар сарын 29-ний өдөр үнэ төлбөр… 2026/10/28
ЗГ: Төрийн үйлчилгээний албан хаагчдын цалин, тэтгэврийг нэмлээ 2026/10/28
Ногоон нуур орчмыг тохижуулж, “KHAN GARDEN” цэцэрлэгт хүрээлэн байгуул… 2026/10/28
Монгол төрийн тамганы хөшөөг шинэчлэн засварлаж байна 2026/10/26
SEUNGRI “Шил атгасан ч хэнийг ч цохиогүй” 2026/10/26
Монгол Улсын төрийн тэргүүний түвшинд Бүгд Найрамдах Беларусь Улсад хи… 2026/10/26
Ц.Сандаг-Очир: Нөмрөгийн хил дагасан цэгүүдээр хохирол тогтоох багийнх… 2026/10/26
Ой, хээрийн түймрийн 66 тохиолдол буюу 35 хувь нь Дорнод аймагт гарчээ 2026/10/26
Цахилгааны үлдэгдэл төлбөргүй өрхүүдийг шөнийн тарифын хөнгөлөлтөд хам… 2026/10/26
Монгол Улсын Ерөнхийлөгч Финланд улсад төрийн айлчлал хийж байна 2026/10/24
“ДЭЛХИЙН ХУРИМТЛАЛЫН ӨДӨР – 2026” аяны хүрээнд ахлах ангийн сурагчдад … 2026/10/23
Их зохиолч Д.Нацагдорж, монголч эрдэмтэн Э.Хэниш нарын дурсгалыг алдар… 2026/10/23
ШАХМАЛ ТҮЛШИЙГ БОРЛУУЛАЛТЫН ЦЭГҮҮДЭД ШУУРХАЙ ХҮРГЭХ ЗОХИОН БАЙГУУЛАЛТЫ… 2026/10/23
МОНГОЛ, ГЕРМАНЫ ХУДАЛДАА, ЭДИЙН ЗАСГИЙН ХАМТЫН АЖИЛЛАГААНД ТЭЭВЭР, ЛОГ… 13 цагийн өмнө
МОНГОЛБАНК, ГЕРМАНЫ ХОЛБООНЫ БАНК (БУНДЕСБАНК) ХООРОНД ХАМТЫН АЖИЛЛАГА… Өчигдөр
УИХ-ын нэр бүхий 5 гишүүнийг АТГ-т шалгуулахаар хандлаа 2026/10/19
​Kobe Bryant​-ийн охин Natalia Bryant​ "Victoria’s Secret Fashion Show… 2026/10/19