“APPLE” компани "IPAD PRO"-ийн шинэ загвараа V сараас худалдаанд гаргана

Шинэчлэгдсэн “iPad Pro” загвар нь “OLED” дэлгэцтэй болжээ

“Apple”-ийн олон улс дахь нийлүүлэгчдийн үйлдвэрлэл эрчимжээд буй энэ үед тус компани зах зээлд удаан хүлээлт үүсгэсэн “iPad”-ийн шинэ загвараа ирэх тавдугаар сард худалдаанд гаргахаар боллоо.

Шинэчлэгдсэн “iPad Pro” загвар нь “OLED” дэлгэцтэй болсон бол “iPad Air” нь анх удаа 12.9 инчийн дэлгэцийн сонголттой болсныг тодотгож байна.

“Apple” компани “iPad”-даа хамгийн сүүлд шинэчлэл хийснээс хойш 18 сарын хугацаа өнгөрөөд байгаа юм. Энэ  хугацаанд эрэлт нь буураад байсан “iPad”-ийн зах зээлийн байр суурьт сөргөөр нөлөөлсөн байна.

Илүү хурдтай хагас дамжуулагч, сайжруулсан эд ангитай болсон  шинэ загварууд зах зээлийн эрэлтэд сэргэлтийг бий болгоно гэж тус компани найдаж байгаагаа мэдээллээ.

Цар тахлын үеэр өндөр эрэлттэй байсан “iPad”-ийн борлуулалт сүүлийн хоёр жил дараалан буурсан үзүүлэлттэй байна.