Дуучин Шакира хэвлийн өвдөлтийн улмаас эмнэлэгт хэвтсэний улмаас Перу улсын нийслэл Лимад хийх тоглолтоо цуцалжээ
Колумбын алдарт дуучин Шакира долоон жилийн дараа дэлхий даяар аялан тоглолтоо эхлүүлсэн ч өнгөрөгч ням гарагт болох байсан тоглолтоо цуцалжээ.
Тэрбээр ямба гарагийн /2025.02.15/ шөнө яаралтай тусламжийн тасагт очиж, шөнийг эмнэлэгт өнгөрүүлсэн бөгөөд өөрийн сошиэл хуудаснаа: "Эмч нар миний биеийн байдал тоглолт хийхэд боломжгүй гэж хэлсэн учир тайзан дээр гарч чадахгүй болсондоо маш их харамсаж байна. Перу дахь гайхалтай шүтэн бишрэгчидтэйгээ дахин уулзахыг тэсэн ядан хүлээж байсан юм” гэж бичжээ.
Энэ сарын эхээр болсон Грэммийн наадмаас тэр шилдэг Латин поп цомгийн шагналыг авсан юм. Тус шагналыг хүртсэнээс хэдхэн хоногийн дараа Шакира Рио де Жанейро хотоос аялан тоглолтоо эхлүүлсэн байна. Тэр Латин Америкийн 50 орчим тоглолт хийснийхээ дараа АНУ, Канадад тоглохоор төлөвлөж байгаа.
